Govven Skaugumis
Prinssa Sverre Magnusa konfirmašuvnna oktavuođas govvejedje sihke konfirmántta ja Gonagasbearraša Skaugumis.
Čakčamánu 5. beaivi 2020
Maŋŋá seremoniija Asker girkus, vulggii Gonagasbearaš Skaugumii, gos sii ávvudedje priváhta mállásiin eahkes.
Ovdal mállásiid govvejedje konfirmántta ja su bearraša. Govvejeaddji lei Lise Åserud, NTB scanpix. Mediakaruseallas leat eanet govat.
Stuoradikki ja ráđđehusa skeaŋkkat
Prinsa oaččui maid konfirmašunskeaŋkkaid, nugo buot eará konfirmánttat - maiddái almmolaš Norggas.
Stuoradikkis oaččui Prinsa kano, áirruid ja veastta. Ráđđehusas oaččui son Morten Andenæs dáidaga ja Asker suohkanis oaččui Magne Furuholmen dáidaga. Alimusriekti attii sutnje surfenbreahta ja girjji Alimusrievtti birra. Norgga girkus oaččui Biibbala, mii lea 2011:s ođđasis jorgaluvvon. Norgga fylkkamánniin oaččui Prinsa Sverre Magnus oađđenseahka ja oađđenvuloža. Oslo suohkan attii Prinsii Steffen Kverneland biografiija Edvard Munch birra.
