Norgga dronnet
Majestehta Dronnet Mette-Marit čuovvolii Dronnet Sonja Norgga dronnegin go Majestehta Gonagas Haakon válddii badjelasas truvnnu Gonagas Harald eretvádjoleami maŋŋel.
Go Gonagas Harald V jámii borgemánu 28. beaivvi 2026:s, de šattai Gonagas Haakon VIII Norgga gonagassan ja Dronnet Mette-Marit riikka dronnet. Ođđa gonagasbárra galgaba ovddastit Norgga sisriikkas ja olgoriikkas ja ovddidit Norgga beroštumiid—earret eará stáhtagalledemiid bokte ja olgoriikka stáhtaoaivámuččaid vuostáiváldima bokte go galledit Norgga.
Almmolaš doaimmat
Dronnet Mette-Maritbovdejuvvo doaluide máŋga iešguđetlágan suorggis, ja lea erenoamážit áŋgiruššan áššiin mat gusket girjjálašvuhtii, psyhkalaš dearvvašvuhtii, nuoraide, sosiála olggušteapmái ja duodjebargui.
Sudno vihaheami oktavuođas jagis 2001 ásahuvvui Ruvdnaprinsabára foanda.Foanda doarju doaibmabijuid nuoraide geat iešguđetlágan sivaid geažil leat gahččame olggobeallái searvevuođa. Foanda ávvuda 25 jagi 2026:s.
Girjjálašvuohta ja kultuvra
Dronnet Mette-Marit lea nanu áŋgirušši lohkanmoktii ja girjjálašvuođa hárrái. Earret eará girjjálašvuođatoga ja olu galledemiid bokte girjerádjosiidda ja skuvllain lea son leamaš veahkkin oainnusindahkame girjjálašvuođa Norggas. Jagis 2017 válddii Dronnet badjelasas Norgga girjjálašvuođa ambassadevrarolla olgoriikkas. Son lea searvan riikkaidgaskasaš girjjálašvuođadoaluide, earret eará Frankfurtas ja Kairos, gos Norga lea leamaš guosseriikan.
Dronnet Mette-Marit lea nanu áŋgirušši lohkanmoktii ja girjjálašvuođa hárrái. Earret eará girjjálašvuođatoga ja olu galledemiid bokte girjerádjosiidda ja skuvllain lea son leamaš veahkkin oainnusindahkame girjjálašvuođa Norggas. Jagis 2017 válddii Dronnet badjelasas Norgga girjjálašvuođa ambassadevrarolla olgoriikkas. Son lea searvan riikkaidgaskasaš girjjálašvuođadoaluide, earret eará Frankfurtas ja Kairos, gos Norga lea leamaš guosseriikan.
Girjjálašvuođaáŋgiruššan
– – In nagot govahallat eallima girjjiid haga. Juo mánnávuođa rájes leat earát lohkan munnje, ja nu ožžon vejolašvuođa beassat sajiide maid imaštallan ja fantasiija addá. Lohkan, siskkáldas govaid maid dat dagaha, dovdduid maid dat buktá – jáhkán ahte dat dahká min buorebun, viisábun ja eambbo reflekterejeaddji olmmožin.
Dalá Ruvdnaprinseassa Mette-Marit, Bjørnsonfestivalen 2014
Maŋŋel go Jon Fosse oaččui Nobel-girjjálašvuođabálkkašumi, de ásahii Norgga ráđđehus jahkásaš Fosse-logaldallama ja Fossebálkkašumi jorgaleddjiide gudnejahttindihte su. Dáhpáhusa lágida Našunálagirjerájus, ja Dronnet lea sihke logaldallama ja bálkkašumi bajit suodjaleaddji.
Cuoŋománus 2025 geigejuvvui vuosttaš Fossebálkkašupmi ja vuosttaš Fosselogaldallan dollojuvvui Gonagaslaš šloahtas.
Nuorat ja psyhkalaš dearvvašvuohta
Dronnet Mette-Maritis lea nana ja guhkesáigásaš áŋgiruššan psyhkalaš dearvvašvuhtii, mas erenoamážit deattuha nuoraid ja fátmmasteami obbalaččat. Son lea leamaš Psyhkalaš dearvvašvuođaráđi suodjaleaddjin 2001 rájes, ja lea geavahan iežas rolla loktet rabasvuođa, searvevuođa ja birgema mearkkašumi.
Son searvá jeavddalaččat doaluide ja čoahkkimiidda fágabirrasiiguin, organisašuvnnaiguin ja nuoraiguin geat juogadit iežaset vásáhusaid. Dronnet háliida váikkuhit dasa ahte šaddá stuorát ipmárdus ja unnit stigma čadnon psyhkalaš dearvvašvuođahástalusaide.
Servodatáŋgiruššan
Riikkaidgaskasaš bargu
Dronnet Mette-Maritis lea olu jagiid leamaš viiddis riikkaidgaskasaš áŋgiruššan. Jagis 2006 nammaduvvui son erenoamáš ovddasteaddjin ONa AIDS-prográmmii UNAIDS ja son lea bargan eastadit vealaheami ja stigma mii lea čadnon hiv:ii ja aids:ii miehtá máilmmi.Máŋga jagi searvvai Dronnet jeavddalaččat riikkaidgaskasaš aids-konferánssaide ja eará forumaide mat gusket riikkaidgaskasaš dearvvašvuođaáššiide.
