Dronnet Mette-Marita biografiija
Mette-Marit Tjessem Høiby riegádii Kristiansandas borgemánu 19. beaivve 1973. Son náitalii dalá Ruvdnaprinsa Haakoniin borgemánu 25. beaivve 2001, ja šattai Norgga ruvdnaprinseassan. Go Gonagas Haakon čuovvolii áhčis truvnnus, de šattai Ruvdnaprinseassa Norgga dronnegin.
Dronnet Mette-Marit bajásšattai Vågsbygdas Kristiansanddas nuoramussan njealji mánás. Son lea Marit Tjessem (riegádan 1937) ja Sven Olaf Bjarte Høiby (1936–2007) nieida. Dronnet Mette-Maritis leat golbma máná: Marius Borg Høiby, Gonagaslaš Allavuohta Ruvdnaprinseassa Ingrid Alexandra ja Prinsa Sverre Magnus.
Su ja Ruvdnaprinsa Haakona lohpádallan almmuhuvvui juovlamánu 1. beaivvi 2000. Vihaheapmi lei Oslo duopmogirkus borgemánu 25. beaivvi 2001, ja juovlamánus 2003:s fárrii Norgga ođđa Ruvdnaprinsabárra Skaugumii Askeris. Go Gonagas V jámii borgemánu 28. beaivvi 2026, de čuovvolii Gonagas Haakon áhčis Norgga gonagassan ja Dronnet Mette-Marit šattai Norgga dronnegin.
Oahppu
Dronnet Mette-Maritis lea oahppu Agder Universitehtas (ovdalaš Høgskolen i Agder), Oslo Universitehtas ja SOAS – the School of Oriental and African Studies –University of London. Sus lea mastergráda jođiheamis Handelshøyskolen BI:as.
Dronnet Mette-Marita oahppu
Oahppu
Jagis 1980 álggii Mette-Marit Tjessem Høiby vuosttaš luohkkái, 1b, Slettheia skuvllas Kristiansandas.
Dronnet čađahii artiuma Kristiansand Katedrálakuvllas 1994:s. Gymnásaáiggis lei son jagi lonohallanstudeantan Wangaratta High Schoolas Australias.
Maŋŋil joatkkaskuvlla, čađahii Dronnet Mette-Marit kemiija ja IKT eksámeniid Agder Universitehtas (ovdalaš Høgskolen i Agder). Gaskkal 2000-2002 čađahii son eksámeniid fágain Livssyn og Etikk ( Eallinoaidnu ja Etihkka) ja Anvendt etikk (Anihahtti etihkka) historjáfilosofalaš fakultehtas, Oslo Universitehtas.
2003 giđa lei Dronnet studeremin School of Oriental and African studies (SOAS), London Universitehtas. Doppe son čađahii Development-Experience, Theories of Development, HIV/AIDS and Development ja The Global Refugee Crisis eksámeniid. Dronnet lei Noradis hospitántan golbma mánu, gos son earenoamážit čalmmustahtii hiv/aids áššiid.
Dronnet Mette-Marit čađahii mastergráda jođiheamis jagis 2012 Handelshøyskolen BI:as.
Astoáigi
Dronnet Mette-Marit lohká olu, ja son liiko dáidagii, designii, filmmaide ja teáhterii. Maŋimuš jagiid lea son hirbmadit beroštišgoahtán giehtaduojis, erenoamážit čuoldin ja gođđin lea sutnje miellagiddevaš.Dronnet liiko olgoeallimii luonddus, sihke geasset ja dálvet.
