Norgga Ruvdnaprinseassa
Gonagaslaš Allavuohta Ruvdnaprinseassa Mette-Marit čađaha almmolaš doaimmaid ja ovddasta Norgga sihke sisriikkas ja olgoriikkas.
Borgemánu 25. beaivve 2001 náitalii Mette-Marit Tjessem Høiby Ruvdnaprinsa Haakoniin ja šattai de Norgga ruvdnaprinseassan.
Ovttas Ruvdnaprinssain lea son ceggen Ruvdnaprinsabára foandda, mii doarju doaibmabijuid nuoraide geat iešguđetlágan sivaid geažil leat gahččame olggobeallái searvevuođa. Ruvdnaprinsabára foanda ásahuvvui sudno vihaheami oktavuođas ja namma lea Ruvdnaprinsabára Humaniteara Foanda.
Offisielle oppgaver
Kronprinsparet fremmer norske interesser gjennom offisielle besøk i utlandet, sammen og hver for seg. Kronprinsesse Mette-Marit deltar ved ulike arrangementer i Norge hvert år, og hun engasjerer seg særlig i saker som gjelder helse, litteratur, mental helse og ungdom.
Nuorat ja psyhkalaš dearvvašvuohta
Ruvdnaprinseassa Mette-Maritas lea nana ja guhkesáigásaš áŋgiruššan psyhkalaš dearvvašvuhtii, mas erenoamážit deattuha nuoraid ja fátmmasteami obbalaččat. Son lea leamaš Psyhkalaš dearvvašvuođaráđi suodjaleaddjin 2001 rájes, ja geavaha iežas rolla loktet rabasvuođa, searvevuođa ja birgema mearkkašumi.
Son searvá jeavddalaččat doaluide ja čoahkkimiidda fágabirrasiiguin, organisašuvnnaiguin ja nuoraiguin geat juogadit iežaset vásáhusaid. Ruvdnaprinseassa háliida váikkuhit dasa ahte šaddá buoret ipmárdus ja unnit stigma čadnon psyhkalaš dearvvašvuođahástalusaide.
Riikkaidgaskasaš doaimmat
Ruvdnaprinseassa Mette-Maritas lea máŋggaid jagiid leamaš viiddis riikkaidgaskasaš áŋgiruššan. Jagis 2006 nammaduvvui son erenoamáš ovddasteaddjin ONa AIDS-prográmmii UNAIDS ja son lea bargan eastadit vealaheami ja stigma mii lea čadnon hiv:ii ja aids:ii miehtá máilmmi.
Máŋga jagi searvvai Ruvdnaprinseassa jeavddalaččat riikkaidgaskasaš aids-konferánssaide ja eará forumaide mat gusket riikkaidgaskasaš dearvvašvuođaáššiide.
Girjjálašvuohta ja kultuvra
Ruvdnaprinseassa Mette-Marit lea nanu áŋgirušši lohkanmoktii ja girjjálašvuođa hárrái. Earret eará girjjálašvuođatoga ja olu galledemiid bokte girjerádjosiidda ja skuvllain lea son leamaš veahkkin oainnusindahkame girjjálašvuođa Norggas. Jagis 2017 válddii Ruvdnaprinseassa badjelasas Norgga girjjálašvuođa ambassadevrarolla olgoriikkas. Son lea searvan riikkaidgaskasaš girjjálašvuođadoaluide, earret eará Frankfurtas ja Kairos, gos Norga lea leamaš guosseriikan.
– In nagot govahallat eallima girjjiid haga. Juo mánnávuođa rájes leat earát lohkan munnje, ja nu ožžon vejolašvuođa beassat sajiide maid imaštallan ja fantasiija addá. Lohkan, siskkáldas govaid maid dat dagaha,dovdduid maid dat buktá – jáhkán ahte dat dahká min buorebun, viisábun ja eambbo reflekterejeaddji olmmožin.
Ruvdnaprinseassa Mette-Marit, Bjørnsonfestivalen 2014
Maŋŋel go Jon Fosse oaččui Nobel girjjálašvuođabálkkašumi, de ásahii Norgga ráđđehus jahkásaš Fosse-logaldallama ja Fosse-bálkkašumi jorgaleddjiide su gudnin. Dáhpáhusa lágida Našunálagirjerájus, ja Ruvdnaprinseassa lea sihke logaldallama ja bálkkašumi suodjaleaddji. Cuoŋománus 2025 juhkkojuvvui vuosttaš Fosse-bálkkašupmi ja vuosttaš Fosse-logaldallan lágiduvvui Gonagaslaš šloahtas.
