Sami
Buorre ođđa jahki!
Doaivva lei guovddážis Majestehta Gonagas Haralda ođđajagisártnis. Doaivva mii doalaha min movtta go vásihit váivviid ja váttisvuođaid maid ii buohkat goas nu vásihit. Doaivva mii lea dego eallju ja eallinfápmu.
"Jáhkán ahte mis šattašii buoret dilli jus mii beasašeimmet eret dan jurdagis ahte eallin galggašii leat álki, ja oalle perfeakta. Go nu dat ii leat. Eallin sáhttá bávččagahttit. Mii olbmot meaddit. Áššit eai šatta nu mo mii leat niegadan dahje jurddašan. Muhto mii geahččalit oahppat iežamet meattáhusain. Mii fas čuoččehit - ja joatkit. Dát eallju lea juoga hui erenoamáš midjiide olbmuide. Ja mun jáhkán ahte dás lea sáhka doaivaga birra."
Govva: Heiko Junge, NTB
Áigeguovdil
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.
Nobel ráfibálkkašumi geigejupmi 2023
Sotnabeaivve válddiiga 17-jahkásaš jumešguovttos Kiana ja Ali Rahmani vuostá Nobel ráfibálkkašumi mii dán jagi juhkkojuvvui sudno eadnái, Narges Mohammadi. Gonagasbárra ja Ruvdnaprinsabárra čuvvo allamenolaš seremoniija Oslo ráđđeviesus.
