Sami
Geasset 2024
Gonagaslaš Šloahtta lea rabas ofelastimiidda gaskal geassemánu 22. beaivve gitta borgemánu 18. beavái. Dán jagi lea 175 jagi dan rájes go Šloahtta lei gárvvis, ja 750 jagi dan rájes Norga oaččui vuosttaš riikaviidosaš lága.
Dronnet Sonja DáiddaStáljas sáhttá vásihit Gongagasbearraša govaid čájáhusas «Gonagaslaš govvejeaddit». Riidenvisttis leat 43 čáppa leavgga Osloskuvllain, ja dat leat ráhkaduvvon gaskal 1886 ja 2016.
Oscarshall lea rabas ofelastimiidda čakčamánu 15. beaivve radjái. Geasset sáhttá maiddái vásihit italálialaš dáiddára Davide Rivalta elliidbácciid hervvoštallanšloahta párkkas Bygdøyas.
Geassejahkebealis lea maiddái boarraseamos oassi Šloahttapárkkas – Dronnetpárka - rabas diibmu čieža rájes iđđes gitta diibmu gávcci radjái eahkes.
Áigeguovdil
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.
Nobel ráfibálkkašumi geigejupmi 2023
Sotnabeaivve válddiiga 17-jahkásaš jumešguovttos Kiana ja Ali Rahmani vuostá Nobel ráfibálkkašumi mii dán jagi juhkkojuvvui sudno eadnái, Narges Mohammadi. Gonagasbárra ja Ruvdnaprinsabárra čuvvo allamenolaš seremoniija Oslo ráđđeviesus.
