Uniuvdnii Ruoŧain 1814

Jahki 1814 lea várra dat jahki goas eanemus lea dáhpáhuvvan oppalohkái Norgga historjjás. Jagi álggus lea riika gulolašvuohtariika Dánmárkku ja oktoráđđejeaddji Gonagas Frederik VI vuolde. Jagi loahpas lea Norga vuođđolágalaš monárkiija uniuvnnas Ruoŧain. Daid mánuid mat golle dan rájes Norgga luovvanii Dánmárkkus ja searvvai uniuvdnii Ruoŧain, dáhpáhuvai hui ollu: Norga lei šaddan sierra stáhtan, das lei leamaš sierra gonagas ja lea háhppehan ráhkadit riikii sierra Vuođđolága maid. Norga ferte loahpas miehtat dohkkehit ođđa uniuvnna. Muhto Ruoŧa Gonagas ferte dohkkehit dan ođđa norgga Vuođđolága – mii mearrida dakkár ráđđenvuogi mas Vuođđoláhka lea bajábealde monárkiija.

Kielráfi

Go Dánmárku vuoittahalai Napoleonsođiin, de ferte miehtat addit Norgga Ruŧŧii. Norga biehttalii dohkkehit šiehtadusa, ja celkkii iežas sierra stáhtan.

Riikkačoahkkin Eidsvollas

Cuoŋománu 10. beaivvi 1814 čoahkkanii Riikkačoahkkin Eidsvoll verkii. Bargun lei hábmet ođđa láhkavuođu riikii. Miessemánu 17. beaivvi gerge sii dainna bargguin ja Riikkačoahkkin válljii Christian Frederik Gonagassan.

Gonagas Carl III Johan

Carl II Johan lei fránska marskálka gii šattai Norgga Gonagassan 1818 rájes. Son lei váldoolmmái Kielráfi soahpamuša bargguin, gos Dánmárku fertii luvvet Norgga Ruŧŧii.

Gonagas Christian Frederik

Christian Frederik lei dánska prinsa ja štáhtaámmátolmmoš Norggas. Son jođihii vuostálastimiid Kielsoahpamuša vuostá, ja vihtta mánu lei son Gonagas iešmearrideaddji Norggas.