Gonagasbearaš 2016 (Govva: Lise Åserud, NTB scanpix)

Gonagasbearaš

Norgga Gonagasviessu gullá Glücksburg fyrstasohkii ja bearrašii gullet Majestehta Gonagas Harald ja Majestehta Dronnet Sonja ja Gonagaslaš Allavuohta Ruvdnaprinsa Haakon ja Gonagaslaš Allavuohta Ruvdnaprinseassa Mette-Marit ja Gonagaslaš Allavuohta Prinseassa Ingrid Alexandra. Dasa lassin leat earát geat gullet Gonagasbearrašii Prinsa Sverre Magnus, Marius Borg Høiby, Prinseassa Märtha Louise, Maud Angelica Behn, Leah Isadora Behn, Emma Tallulah Behn ja Prinseassa Astrid, Ferner roavvá.

Majestehta Gonagas

Gonagas Harald V, riegádan guovvamánu 21. beaivvi 1937. Gonagas Olav V ja Ruvdnaprinseassa Märtha bárdni. Šattai áhčis maŋis Norgga Gonagas ođđajagimánu 17. beaivvi 1991.

Majestehta Dronnet

Dronnet Sonja, riegádan Haraldsen suoidnemánu 4. beaivvi 1937. Náitalii dalá Ruvdnaprinssain Haraldiin Oslo duopmogirkus borgemánu 29. beaivvi 1968. Norgga Dronnet ođđajagimánu 17. beaivvi 1991.

Gonagaslaš Allavuohta Ruvdnaprinsa

Ruvdnaprinsa Haakon, riegádan suoidnemánu 20. beaivvi 1973. Gonagas Harald V ja Dronnet Sonja bárdni. Vuosttaš árbbolaš norgga truvdnui.

Gonagaslaš Allavuohta Ruvdnaprinseassa

Ruvdnaprinseassa Mette-Marit, riegádan Tjessem Høiby borgemánu 19. beaivvi 1973. Náitalan Ruvdnaprinssain Haakoniin Oslo duopmogirkus borgemánu 25. beaivvi 2001.

Gonagaslaš Allavuohta Prinseassa Ingrid Alexandra

Riegádan ođđajagimánu 21. beaivvi 2004. Nubbin árbenráiddus norgga truvdnui, áhčis, Ruvdnaprinssa maŋis.

Prinsa Sverre Magnus

Riegádan juovlamánu 3. beaivvi 2005. Goalmmádin árbenráiddus norgga truvdnui, iežas oappá Prinseassa Ingrid Alexandra maŋis.

Prinseassa Märtha Louise

Riegádan čakčamánu 22. beaivvi 1971. Gonagas Harald ja Dronnet Sonja nieida. Njealjádin árbenráiddus norgga truvdnui.

Prinseassa Astrid

Prinseassa Astrid, Ferner roavvá, riegádan guovvamánu 12. beaivvi 1932. Gonagas Olav ja Ruvdnaprinseassa Märtha nieida. Náitalii Johan Martin Ferneriin (1927-2015) Asker girkus ođđajagimánu 12. beaivvi 1961.