(Govva: Gonagaslaš hoavva vuorká)

Gonagas Olav ja Ruvdnaprinseassa Märtha

Gonagas Olav riegádii suoidnemánu 2. beaivvi 1903 Appleton Housas Eŋglánddas. Son lei dalá Prinsa Carl ja Prinseassa Maud bárdni, ja su namma lei Alexander – Dánmárkku Prinsa. Son lei 1905:s guovttejahkásaš, go su áhčči šattai Norgga Gonagassan, Gonagas Haakon VII, ja Prinsa Alexander šattai Ruvdnaprinsa Olav.

Ruvdnaprinsa Olav náitalii oambeliinis, Ruoŧa Prinseassa Märthain. Soai oaččuiga golbma máná, Prinseassa Ragnhild, Prinseassa Astrid,Prinsa Harald,gii lea nuoramus, guhte šattai Gonagas Harald V. Ruvdnaprinseassa Märtha eretvádjolii cuoŋománu 5.beaivvi 1954. Son ii šaddan goassege dronnegin, muhto Oslo bisma celkkii loahpalaččat su muitun ná: ”Su dronnetámmát lea álo leamaš min mielas ja dan son ii masse goassege.”

Ruvdnaprinsa árbii truvnno 1957:s ja sivdniduvvui Nidarosdomenis geassemánu 22. beaivvi 1958. Gonagas Olav V jámii ođđajagimánu 17.beaivvi 1991 Kongsseterenis Oslos. Moadde diimmu maŋŋil lei Šloahttašilju rievdan čuovgaáhpin.

Gonagas Olav V

Suoidnemánu 2. beaivvis 1903 – ođđajagimánu 17. beaivái 1991. Gonagas Haakon VII ja Dronnet Maud bárdni. Šattai áhčis maŋŋá Norgga Gonagassan čakčamánu 21. beaivvi 1957.

Ruvdnaprinseassa Märtha

Njukčamánu 28. beaivvis 1901 – cuoŋománu 5. beaivái 1954. Ruoŧa Prinseassa ja Norgga Ruvdnaprinseassa. Náitalii dalá Ruvdnaprinssain Olaviin Oslo duopmogirkus njukčamánu 21. beaivvi 1929.

Prinseassa Ragnhild

Prinseassa Ragnhild, Lorentzen roavvá, riegádan geassemánu 9. beaivvi 1930. Gonagas Olav ja Ruvdnaprinseassa Märtha nieida. Náitalan Erling Sven Lorentzeniin Asker girkus miessemánu 1953.