– Eaktodáhtolašvuohta lea dego čáppa gođus olu láiggiiguin

– Mun árvidan ahte juohkehaš gii dás lea odne, lea oassin dán bálkkašumis, dajai Dronnet Sonja go doalai sártni Sømna stadionas odne.
– Go eaktodáhtolašvuohta lea dego čáppa gođus olu láigguiiguin, gođus ovttaskasolbmuin báikkálaš servodagas. 

Sártnis ávžžuhii Dronnet Sonja buohkaid gudnejahttit Sømna eaktodáhtolašvuođa giehtaspežžumiin. Govven: Annika Byrde, NTB  

Ja lei ge juste dát valljivuohta servviid ja joavkkuid dáfus mii dagahii nu fiinna doaluid Gonagasbára galledeami oktavuođas – ja mii muđui beaivválaččat čatná oktavuođaid ja addá báikeidentihtehta servodahkii.

Go sjaluppa ollii Viksjøen smávvafanashápmanii ovdalgaskabeaivve, de lei oalle fastes dálki, Dattege lei Sømnakoaras buorre mokta stuora mojiiguin go čuččodedje das čáppa bunadaiguin ja njuoska vuovttaiguin

Sømnakoarra lávllui go Gonagas ja Dronnet bođiiga. Govven: Liv Anette Luane, Gonagaslaš hoavva. 

Sømna hornmusikk čuojahii go Gonagasbárra ollii stadionai, ja doppe lei maiddái mánáidkoarra ja Music angels geat ovdanbukte “Kjære Sømna”. Sømna hornmusikk čuojahii ovttas Sømna skuvlakorpsain, ja nuorat Sømna IL valáštallansearvvis muitaledje suohkana valáštallanfálaladagaid birra. Ja adde vel supporterčeabetliinni Gonagasbárrii. Čájálmas valáštallanšiljus loahpahuvvui BlimE-dánssuin ja de gal ihte sihke mojit ja gatnjalat – go buot 260 oahppi Sømnaskuvllas oasálaste.

260 oahppi Sømnaskuvllas dánsume BlimE-dánssu. Govven: Liv Anette Luane, Gonagaslaš hoavva. 

Ávvudit nuoraid

–Mus lea jáhkku otná nuoraide, dajai Dronnet sártnis, ja jotkkii:  

 – Oallugiin lea nanu gelbbolašvuohta dálá áiggi hástalusaid birra, ja leat maddái čeahpibut gávdnat buriid, hutkás čovdosiid. Olu čeahpibut go olu boarreset olbmot. Duollet dálle lea dárbu jurddašit veahá eará ládje, ja dasa mii dárbbašit nuoraid hutkáivuođa, fámu- ja maiddái muttágis meare mášohisvuođa.

Dronnega sárdni

Sømna lei viđát bisánanbáiki Gonagasbára fylkkamátkis. Gonagasa ievttá čoahkkáigeassu mátkis lei ahte lea leamaš molsašuddi dálki, oalle čoaskkis, muhto ahte olbmuin lea valljit liekkusvuohta. Maiddái odne lei molsašuddi dálki. Lei šnjoarri arvi álggos, muhto dálki govdoi ja lei dušše savdna Sømna stadionas ja loahpas firtii oalát go Gonagasbárra ollii Sømna gilišiljui.

Dávvirvuorkká jođiheaddji Tove Rørmark sávva Gonagassii bures boahtima Sømna gilišiljui. Govven: Liv Anette Luane, Gonagaslaš hoavva.  

Čáppa gilišiljus leat buollisearat nagodan ráhkadit Signehagen nammasaš historjjálaš gilvvagárddi. Šiljus lei lávlun, ságastallamat ja doppe guossohedje gáfe ja beassegáhku. Gonagas ja Dronnet maiddái čáliiga nama árkii mii áiggi mielde biddjo Sømna gonagasgeađgái, man Gonagas Olav vuolláičálii jagis 1988.

Gonagas Harald ja Dronnet Sonja čálliiga namaid báhpirii, muhto áiggi mielde biddjoijt dát vuolláičállagat Gonagasgeađgái. Govven: Liv Anette Luane, Gonagaslaš hoavva.  

Vuostáiváldin Gonagasskiippas

Maŋŋelgaskabeaivvi lei vuostáiváldin Gonagasskiippas Norge. Gonagasbárra háliida giitit vásáhusaid ovddas fylkkamátkkis, ja danin bovdeba vuostáiváldimii Gonagasskiippas. Gussiid searvvis leat sátnejođiheaddjit suohkaniin maid Gonagas ja Dronnet leaba galledan, ja dasa lassin olbmot fylkkas ja suohkaniin geat leat dagahan dahje oasálastán galledeamis.  

Vuostáiváldima álggadettin sávvá Gonagasbárra buresboahtima. Dasto guossoheaba gussiide snohposiid.

Fylkkamátki loahpahuvvo Bindal suohkanis.