Prinseassa Ingrid Alexandra

Lávvordaga borgemánu 31. beaivvi konfirmerejuvvo Gonagaslaš Allavuohta Prinseassa Ingrid Alexandra Šloahttakapeallas. Norgga prinseassa lea rávásnuvvagoahtán.

Borgemánu 29. beaivi 2019

Prinseassa lea nubbin Norgga truvnno árberáiddus, ja lei Majestehta Gonagas gii guttii Prinseassa gástii cuoŋománu 17.beaivvi 2004. Lassin Gonagassii leat Danmárkku Ruvdnaprinsa, Ruoŧa Ruvdnaprinseassa, Spania Ruvdnaprinsa, Prinseassa Märtha Louise ja Marit Tjessem Prinseassa fáddarat. Buot fáddarat bohtet su konfirmašuvdnii ihttin.

Gonagas Harald guttii Prinseassa Ingrid Alexandra gástii. Dalá Oslo bisma, Gunnar Stålsett, sárdnidii. Govva: Tor Richardsen, NTB scanpix

Geahča govvaalbumis Prinseassa gástagovaid.

Mánáidgárdi ja skuvlavázzin

Ođđajagimánus 2006 álggii Prinseassa Ingrid Alexandra mánáidgárdái Askeris, ja 2010 čavčča šattai son Jansløkka mánáidskuvlla skuvlanieiddaš. 2014 čavčča rájes 2019 giđđii váccii son Oslo Internašuvnnalaš skuvlla, ja dál lea son oahppin Uranienborg skuvllas Oslos.

Prinseassa álggii mánáidgárdái Askeris ođđajagimánu 4. beaivvi 2006. Govva: Lise Åserud, NTB scanpix

Čuovvu árbevieruid

Gonagas Haakon ja Dronnet Maud álggaheigga jagis 1906 mánáidtoga dearvvaheami Šloahttabalkoŋggas. Prinseassa Ingrid Alexandra lea viđat buolva balkoŋggas ja lei doppe juo iežas vuosttaš miessemánu 17.beaivvi.

Prinseassa lea leamaš fárus juo álggu rájes: Dá vuosttaš geardde Šloahttabalkoŋggas miessemánu 17.beaivvi 2004. Govva: Gunnar Lier, Scanpix

Gonagasbearaš láve maid álo leat Holmenkollenis. Dat árbevierru lea leamaš juo 1906 rájes. Maiddái doppe lea Prinseassa leamaš čađat – unnivuođa rájes juo. Guovtte mánnosažžan lei son vuosttaš geardde Gonagastribunas.

Vuosttaš doaibma

Prinseassa Ingrid Alexandra berošta birasgáhttemis, ja biras lei ge fáddán Prinseassa vuosttaš almmolaš doaimmas, earret miessemánu 17.beaivvi ja Holmenkollen sotnabeaivvi. Ovttas Ruvdnaprinseassain dearvvahii son Birasageantaparáda Šloahttašiljus, gos badjel duhát ageantta čalmmustahtte Máilmmi birasbeaivvi 2009:s.

Prinseassa deaivvadii Birasageanttaiguin – mii lea mánáid birasorganisašuvdna – Šloahttašiljus geassemánus 2009. Govva: Lise Åserud, NTB scanpix

Prinseassa lea maŋŋil deaivvadan ageanttaiguin máŋgga oktavuođas, earet eará ođđa Birasviesu rahpamis Oslos 2013.

Cahkkehii nuoraid-OL dola

2016:s lágiduvvojedje dálveolympiija gilvvohallamat nuppe geardde historjjás Lillehammeris. Prinseassa Ingrid Alexandra cahkkehii dola rahpanseremoniijas gos ledje 13 000 olbmo. OL- dolla lei johtán miehtá Norgga rahpandilálašvuođa rádjái, ja stadiona dolla cahkkehuvvui seamma spáidarii gos Lillehammer Olympiija gilvvohallamiid dolla bulii 22 jagi ovdal. Dalle cahkkehii Ruvdnaprinsa Haakon OL-dola.

Gásttašii «Kronprins Haakon»

Go Norgga ođđaseamos dutkanfanas galggai gásttašuvvot, de oaččui Prinseassa gudnin leat skiipa risteadnin. F/F Kronprins Haakon galgá čohkket dieđuid mat šaddet dehálažžan midjiide ipmirdit dan movt dálkkádagaid nuppástuvvamat váikkuhit áhpái ja ábiid eallimii.

- Mus lea stuora beroštupmi ábiide ja dálkkádagaid nuppástuvvamiidda. Dat lei okta dehálaš ággan dasa manne hálidin skiippa gásttašit, muitalii Prinseassa NRK ođasdoaimmahahkii maŋŋel dien seremoniija.

Prinseassa Ingrid Alexandra gásttaša dutkanskiipa "Kronprins Haakon". Govva: Rune Kongsro / Gonagaslaš hoavva

Sierra skulptuvrapárka

2016 geasi rahppojuvvui Prinseassa Ingrid Alexandra Skulptuvrapárka Šloahttapárkkas. Doppe leat mánáid skulptuvrrat – maid mánát ieža leat ráhkadan. Juohke jagi gitta 2019 rádjái leat ollu skulptuvrrat lassána dohko, ja Prinseassa lea ieš válljen daid evttohusain maid mánát miehtá riikka leat sádden.

2017:s bohte guokte ođđa skulptuvrra Prinseassa Alexandra Skulptuvrapárkii. Dá čuččoda Prinseassa "Roggbif" luhtte. Skulptuvrra namas leat buot arvedávggi ivnniid ovdabustávat. Govva: Lise Åserud, NTB scanpix

Dađistaga go Prinseassa rávásnuvvá, oažžu su dađistaga eanet almmolaš doaimmaid Gonagasviesu ovddasteaddjin.

Aktiivvalaš nieida

Prinseassa lea aktiivvalaš nieida gii liiko čuoigat ja čorbmat kickboxing. Son liiko - seammaládje go Gonagasbearaš muđui - čáhcefalástallamii, ja eandalii surfing lea su miela mielde.

Ruvdnaprinsabearaš surfe Hoddevikas lahka Stad. Govva: Fjordlapse photography

Ruvdnaprinsabára govat

Prinseassa konfirmašuvnna oktavuođas leaba Ruvdnaprinsa ja Ruvdnaprinseassa almmuhangovaid Prinseassa Ingrid Alexandras maid ieža leaba govven. Daid gávnnat sierra albumis dáppe:

Ruvdnaprinsabára govat

Prinseassa Ingrid Alexandra 2019. Govva: Julia Naglestad / Gonagaslaš hoavva

Čájeha 8 oktiibuot 34

Prinseassa Ingrid Alexandra

Prinseassa Ingrid Alexandra 2021. Govva: Lise Åserud, NTB

Prinseassa Ingrid Alexandra 2020. Govva: Lise Åserud, NTB

Prinseassa Ingrid Alexandra. Govva: Julia Naglestad, Gonagaslaš hoavva

Prinseassa Ingrid Alexandra. Govva: Lise Åserud, NTB

Čájeha 8 oktiibuot 21

Gásta 2004

Prinseassa Ingrid Alexandra gásttašuvvui 17.4. 2004 (Govva: Jo Michael, Gonagaslaš hoavva)

Čájeha 8 oktiibuot 14

Mánáidgárdi 2006

Ođđajagimánu 4. beaivvi 2006 álggii Prinseassa Ingrid Alexandra mánáidgárdái Askeris (Govva: Lise Åserud, Scanpix)

Prinseassa Ingrid Alexandra mánáidgárddis ovttas Ruvdnaprinsabárain (Govva: Lise Åserud, Scanpix)

Prinseassa Ingrid Alexandra ja Ruvdnaprinseassa Mette-Marit (Govva: Lise Åserud, Scanpix)

Prinseassa Ingrid Alexandra (Govva: Lise Åserud, Scanpix)

Prinseassa Ingrid Alexandra iská iežas biebmoboksá (Govva: Lise Åserud, Scanpix)

Prinseassa Ingrid Alexandra mánáidgárddis (Govva: Lise Åserud, Scanpix)

Čájeha 8 oktiibuot 9

Vuosttaš skuvlabeaivi

Prinseassa Ingrid Alexandra boahtá Jansløkka skuvlii ovttas váhnemiiguin ja áhkuin ja ádjáin (Govva: Stian Lysberg Solum / Scanpix)

Prinseassa Ingrid Alexandra buorástahttá rektor Else Beitnes Johansena (Govva: Stian Lysberg Solum / Scanpix)

Prinseassa Ingrid Alexandra eará mánáiguin olggobealde skuvlla (Govva: Stian Lysberg Solum / Scanpix)

Álggos lei buresboahtin, sáhkavuorut ja nammačuorvun skuvlašiljus (Govva: Stian Lysberg Solum / Scanpix)

Prinsaessa Ingrid Alexandra ja Ruvdnaprinseassa Mette-Marit (Govva: Stian Lysberg Solum / Scanpix)

Prinsaessa Ingrid Alexandra ja Ruvdnaprinsa Haakon (Govva: Stian Lysberg Solum / Scanpix)

Ruvdnaprinsabárra ságastallamin eará váhnemiiguin skuvlašiljus (Govva: Linn Cathrin Olsen / Scanpix)

Prinseassa mannamin skuvlii ovttas eará ohppiiguin (Govva: Linn Cathrin Olsen / Scanpix)

Čájeha 8 oktiibuot 17

Čájeha 8 oktiibuot 42

Miessemánu 17. beaivvi

Gratulerer med dagen! Tradisjonen tro hilste Kongefamilien barnetoget i Oslo fra Slottsbalkogen 17. mai. Tradisjonen ble instiftet av Kong Haakon i 1906 - bare avbrutt av krigsårene. For Kronprinsfamilien startet dagen i Asker, der de tok i mot barnetoget der utenfor Skaugum.

Gonagasbearaš dearvvaha mánáidtoga Šloahttabalkoŋggas. Govva: Terje Pedersen, NTB scanpix

Čájeha 8 oktiibuot 27