Logát Sámedikki rahpan
-Mun cealkkán Sámediggái buresboahtima ovddasvástideaddji doibmii. Ja mun sávan ahte dat boahtá ávkin sámi álbmogii ja min šaddaneatnamii, celkkii Majestehta Gonagas rahpansártnistis gaskavahku.
2025 golggotmánnu 16
Gonagaslaš Allavuohta Ruvdnaprinsa Haakon lei maiddái mielde Sámedikki allaráiggálaš rahpamis Kárášjogas.
Sámediggeválga čađahuvvo juohke njealját jagi, seammás go Stuoradiggeválga čađahuvvo. Riika lea juhkkojuvvon čieža válgabiirii, ja biire áirraslohku vuolgá das galle olbmo leat Sámedikki jienastuslogus doppe. Oktiibuot 39 áirasa válljejuvvojit miehtá riikka. Vuosttaš Sámedikki rabai Gonagas Olav golggotmánu 9. beaivvi 1989:s.
Guhkesáigásaš bargu soabadeapmái
– Measta jahki lea gollan dan rájes go Stuorradiggi šállošii vealaheami ovddas maid dáruiduhttinpolitihkka mielddisbuvttii ja mearkkašii. Sámiide, kvenaide dahje norggasuopmelaččaide, ja meahccesuopmelaččaide. Dat lei dehálaš šállošupmi. Sidjiide geat ellet dáruiduhttima háviiguin. Sidjiide geat vásihit morraša go leat massán iežaset giela ja kultuvrra. Ja sidjiide geat leat árben traumaid. Guhkesáigásaš soabadanbargu lea jođus, deattuhiii Gonagas sártnistis.
Seremoniija loahpahuvvui Sámi soga lávlagiin
