Loahpaheapmi Moskenesas

Gonagasskiipa, fiervábarttat ja mihtilmas Reinebrinken bidje čáppa rámma Majestehtaguovtto Gonagas Haralda ja Dronnet Sonja maŋemus beaivvi fylkkamátkkis Nordlánddas.

Geassemánu 14. beaivi 2018

Gonagasbárra Reines. Govva: Berit Roald, NTB Scanpix

Ja Reine lea ge válljejuvvon okta Eurohpá čábbámus báikin.

Viđa jahkásaš lieđđemánáguovttos Sigrid Laksosnes ja Simen Olav Holtan Larsen čuoččuiga ovttas Moskenes sátnejođiheddjiin Lillian Rasmusseniin Reine govdubrukkas vuostáiváldit Gonagasa ja Dronnega.

Gonagasskiipa olggobealde Reine Moskenesas. Govva: Sven Gj. Gjeruldsen, Gonagaslaš hoavva

Márkanguovddážii ledje lágidan stuora kultuvrralaš álbmotfeastta, maid cello čuojaheaddji Lisa Holstad álggahii. Son lea maid Lofuohta Cellolyd festivála duogáš olmmoš. Festivála álggahuvvui 2012:s ja lea Norgga vuosttaš ja áidna cellofestivála. Dasto lávllastedje Sørvågen skuvlamánát "Moskeneslávlaga", ja várresátnejođiheaddji Laila Jusnes Kristiansen logai divtta Tennes Kaspara máidnasis.

Ovdal Gonagasa sártni, dánssui 13 jahkásaš Maria M. Rasmussen

Sakrissullo ealáhusat

Ealáhusat ledje guovddážis maŋemus oasis Moskenes prográmmas. Reines vulge sii viidáseappot čáppa Sakrissullui, gos maŋemus jagiid leat investeren ollu ruđaid mátkeealáhusaide. Sártnistis odne namuhii Gonagas Harald dan ahte ealáhusain ferte leat balánsa::

- Reine lea – nugo maid sátnejođiheaddji muitalii –máŋgii juo válljejuvvon okta Eurohpá čábbámus báikin. Dat illudahttá min – seammás go dat sáhttá buktit vel eanet deattu Lofuohta guovlluide – gos juo lea ollu olmmoš – goittot váldo turistaáiggi. Gáibiduvvon viissisvuohta, duostilvuohta ja guhkesáiggi jurddašeapmi gávdnat buori balánssa turistaealáhusain, logai Gonagas.

- Dál go ođđa geasseáigi lea juo gieđas; váldet bures vára Reines ja Lofuohtas, vai ain ollu buolvvat min maŋŋil besset vásihit davvi magihkalašvuođa!

Gonagasbárra finai vel Anita mearrabiepmuid fitnodagas Sakrisssullos Lofuohtas. Doppe soai ságastalaiga jođiheddjiin Anita Gylseth, ja Mia Constanse Figenschou Gylseth. Govva: Berit Roald / NTB Scanpix

Gonagas ja Dronnet beasaiga hui dárkilit gullat guollefitnodaga ja herskoborramušabáikki "Anitas sjømat" birra. Dan ođđa olgobáikkis beasaiga soai máistet báikki borramušaid, ja cello čuojaheaddji Lisa Holstad čuojahii.

Therese Holtan Larsen ja Michael Gylseth muitaleigga Gonagasbárrii mot Sakrissullos barget mátkeealáhusaid nannemiin – mas čalmmustahttet fiervábarttaid ja albma luonddu vásiheami . Gonagasbárra beasai maid oaidnit suohkana boarráseamos guolástanfatnasa "Pøyken" Sakrissullos.

Carl Fredrik Gylseth čájeha suohkana boarráseamos guolástanfatnasa, "Pøyken". Govva: Sven Gj. Gjeruldsen, Gonagaslaš hoavva

Vuostáiváldin

Veaigin bovdeba Gonagas ja Dronnet vuostáiváldimii Gonagasskiippas Norge. Gonagasbára guossin leat dan vihtta suohkana ovddasteaddjit gos soai leaba fitnan dán fylkkamátkkis - Sørfold, Steigen, Værøy, Røst og Moskenes.

Vuostáiváldin loahpaha golmmabeaivásaš fylkkamátkki Nordlánddas.

Gonagasbárra lávke gáddái Reines. Govva: Berit Roald, NTB Scanpix

Ollu suohkanássit ledje boahtán vuostáiváldit Gonagasbára ja čuovvut Reine kulturprográmma. Govva: Sven Gj. Gjeruldsen, Gonagaslaš hoavva

Nordlánda 2018

Gonagas ja Dronnet leigga fylkkamátkkis Nordlánddas geassemánu 12. - 14. beivviid. Soai finaiga dán viđa suohkanis Sørfold, Steigen/Stáigu, Røst, Værøy ja Moskenes, ja K/S Norge lei Gonagasbára orrunbáiki mátkki vuolde.

Gonagas ja Dronnet boahtiba mátkki vuosttáš bisánanbáikái: Straumen, Sørfold suohkanis. Govva: Berit Roald, NTB Scanpix.

Gonagasskiipa Norge lea Gonagasbárra orrunbáiki mátkki vuolde – dá áŋkorastán olggobeallái Straumen. Govva: Sven Gj. Gjeruldsen, Gonagaslaš hoavva

Gonagasbárra čuovvu Straumen skuvlla prográmma ovttas fylkkamánniin Hill-Marta Solberg. Govva: Berit Roald / NTB Scanpix

Gonagasa vuosttaš sárdni mátkkis. Govva: Berit Roald, NTB Scanpix

Dronnet ságastallamin muhtun vuoras olbmuiguin suohkanis, skuvlla boarrásiid kafejás. Govva: Sven Gj. Gjeruldsen, Gonagaslaš hoavva

Gonagasbára guossástallan hevii juste suohkana realfága beaivái. Straumen skuvllas hástaleigga Mathea ja Antoni Gonagas ja Dronnega "gilvui" šearpmas. Govva: Sven Gj. Gjeruldsen, Gonagaslaš hoavva

Skuvlla Newton-lanjas leat neavvut maiguin sáhttá geađgeiskosiid analyseret. Emilie Sofie ja Ylva Andrea beasaiga muitalit Gonagasbárrii makkár vuođđostoffat ledje dan guovtti geađggis mat Gonagasas ja Dronnegis ledje mielde analyseremii. Govva: Berit Roald, NTB Scanpix

Ábi nuoskkideapmi lea dehálaš fádda mas ollugat beroštit, sihke mánát ja rávisolbmot. Govva: Berit Roald, NTB Scanpix

Čájeha 8 oktiibuot 48