Lihkku beivviin!
Juste diibmu 10.30 bođii Gonagasbearaš Šloahttabalkoŋgii dearvvahit mánáidtoga Oslos. Okta váillui: Gonagaslaš Allavuohta Prinseassa Ingrid Alexandra lea dán jagi.
Miessemánu 17. beaivi 2023
Suodjalusa bargogottimusihkka láidestii mánáidtoga Šloahttašilljui. Sii čuojahedje sihke Gongagaslávlaga ja Álbmotlávlaga, ja Oslo Håndverker Sangforening ja miessemánu 17.beaivvelávdegoddi serve lávlut.
Ja de šuvihedje mánát Šloahttašilju rastá. Álggos bohte skuvlamánát Svarttjern, Rommen ja Lutvann skuvllain. Lea dáhpin ahte skuvllat main lea muhtun lágán ávvudeapmi, váccet toga ovddemusas. Ja buot dát golbma skuvlla ávvudit 50-jagi beaivvi dán jagi. Oktiibuot leat sullii 110 skuvlla ja birrasii 30 000 oahppi searvan dán jagáš togai Oslos.
Prinseassa Ingrid Alexandra loahpaha skuvlavázzima Elvebakken joatkkaskuvllas dán jagi ja ávvuda ruoššaáiggi seammaahkásaččaiguin. Ja nu ii lean ge Prinseassa Skaugumas go Ruvdnaprinsabearaš dearvvahii Askera mánáidtoga.
Historjá
Leigga Gonagas Haakon ja Dronnet Maud geat vuođđudeigga vieru dearvvahit Oslo mánáidtoga Šloahttabalkoŋgas. Árbevierru álggahuvvui jagis 1906 ja lea doalahuvvon dan rájes. Áidna spiehkasteamit ledje jagis 1910 go Dronnet Mauda áhčči, eŋgelas Gonagas Edward, hávdáduvvui, soahtejagiin 1940-1944 ja koronarohttudávdda oktavuođas 2020-2021.
Dál lea miessemánu 17. beaivvi ávvudeapmi nannosit čadnon mánáidtogai, muhto nu ii leat álo leamaš.
