Lihkku beivviin!
Gonagasbearaš bođii nugo dábálaččat ge Šloahttabalkoŋgii dearvvahit mánnátogaid Oslos 10.30. De lei jo Ruvdnaprinsabárra dearvvahan Asker mánáidtoga, mii váccii Skaugum meaddel 08.15.
Miessemánu 17. beaivi 2017
Oslo suohkan dieđihii ahte leat earenoamáš ollu skuvllat dieđihan dán jagi mánáidtogii: 121 skuvlla vázze čađa gávpoga leavggaiguin. Árbevieru mielde vázzet dat skuvllat ovddemusas main lea ávvudanjahki, ja dán jagi lei Kjelsås skuvla ožžon dan gudni ahte beassat ovddemussii togas. Kjelsås skuvla lea 100 jagi dán jagi. Dakka sin maŋis lea Klemetsrud skuvla, mii ávvuda 150 jagi, ja Sørkedalen mii ávvuda 175 jagi.
Gardemusihkka loahpaha, nugo álo lea dahkan, mánáidtoga Oslos - birrasii diibmu 13.30.
Eanet govaid gávnnat govvakaruseallas go čuovut njuola sierra govvaalbumii gos leat Gonagasbearraša 2017 govat.
Historjá
Gonagas Haakon ja Dronnet Maud ásaheigga 1906:s dan árbevieru ahte dearvvahit mánáidtoga Oslos Šloahttabalkoŋggas. Dan rájes leat sii čuvvon dien árbevieru čađat, earret 1910:s dalle go Dronnet Mauda áhčči, eŋgelas Gonagas Edward hávdáduvvui, ja soahtejagiid 1940-1944.
Dál lea miessemánu 17. beaivi ja mánáidtoga goasii seamma ášši, muhto nu ii leat álo leamaš. Sáhtát lohkat eambbo miessemánu 17.beaivvi ávvudeami birra go čuovvut njuolaid duos olgešbealde.
Kongefamilien 2017
I dette albumet samler vi bilder av Kongefamilien gjennom året - ved anledninger som jubileer, Holmenkollen og 17. mai.
Čájeha 8 oktiibuot 46