Lihkku beivviin!
Gonagasbearaš dearvvaha Oslo mánáidtoga Šloahttabalkoŋggas diibmu 10.30 rájes odne. Ruvdnaprinsabearaš ávvudišgoahtá beaivvi Skaugumis, gos sii vuostáiváldet Asker mánáidtoga diibmu 08.15 rájes.
Miessemánu 16. beaivi 2010
Mánát ja nuorat 109 skuvllas servet Oslo mánáidtogii dán jagi. Leat Lakkegata, Bryn ja Grorud skuvllat mat leat ožžon gudni ahte vázzit ovddemusas, danin go buot golmma skuvllas lea dán jagi 110-jagi ávvudeapmi.
Gonagasbearaš lea dearvvahan mánáidtoga Šloahttabalkoŋggas badjel 100 jagi. Lei Gonagas Haakon gii ásahii dán árbevieru 1906:s, ja don sáhtát lohkat eanet miessemánu 17. beaivvi ja dan ávvudeami birra go čuovut čujuheaddji duos olgešbealde.
Fitnaba Nordre Aker gávpotoasis
Maŋŋelgaskabeaivvi guossástallaba Gonagas Harald ja Dronnet Sonja Nordre Aker gávpotoasi. Lea oktanuppelogát geardde go Gonagasviesu lahtut guossástallet muhtun gávpotosiid Oslos našunálbeaivvi. 2009:s fitne Grünerløkkas, ja dán jagi lea Nordre Akera vuorru. Gávpotoasi lágideapmi lea Nydalenis ja Damplass báikkis Ullevål Hagebyas.
Mii bidjat dađistaga govaid beaivvi mielde.
