Celke riegádanbeaivvedearvvuođaid Prinseassai 18-jagi beaivve oktavuođas

Gonagaslaš Allavuohta Prinseassa Ingrid Alexandra vuostáiválddii odne lihkusávaldatdeputašuvnnaid almmolaš Norggas. Dat dáhpáhuvai Šloahta Unna feastasálas su válddálašvuođabeaivvi oktavuođas.

Ođđajagimánu 21. beaivi 2022

Prinseassa Ingrid Alexandra váldá vuostá Sámedikki Dievasčoahkkinjođihangotti lahtu Aili Guttorm ja Dievasčoahkkinjođiheaddji Tom Sottinen Šloahta Unna feastasálas. Sámedikki skeaŋka Prinseassai lei sisteveasku čiŋahuvvon datneárppuin ja sámi duddjojuvvon silbbat. Govven: Lise Åserud / NTB.

Stuorradiggepresideanta Masud Gharahkhani ja vuosttaš várrepresideanta Svein Harberg leigga njunnožis ráiddus geat celke dearvvuođaid. Eará stáhtaválddiid ovddasteaddjit ledje stáhtaministtar Jonas Gahr Støre, stáhtaráđđi Trygve Slagsvold Vedum ja ráđđehusráđđi Anne Nafstad Lyftingsmo ráđđehusa bealis, mearrideaddji fápmu – ja alimusriektejustitiarius Toril Marie Øie ja alimusriekteduopmár Jens Edvin A. Skoghøy dubmejeaddji fámu beales.

Almmolaš Norga

Dasto bohte lihkusávaldatdeputašuvnnat Sámedikkis, stáhtahálddašeddjiin, diplomáhtalaš korpsas, Suodjalusas, Norgga Girkus, Osku-ja eallinoainnuservvodagaid ovttasbargoráđis ja Suohkaniid Guovddášlihtus.

Loahpas celkkii Oslo sátnejođiheaddji Marianne Borgen riegádabeaivvedearvvuođaid.

Unna feastasálas leigga maiddái Prinseassa váhnemat, Gonagaslaš Allavuođat Ruvdnaprinsa Haakon ja Ruvdnaprinseassa Mette-Marit.

Diibmu 12:00 odne, dan botta go Prinseassa Ingrid Alexandra válddii vuostá lihkusávaldatdeputašuvnnaid Šloahtas, de bávkaledje saluhtaid 18-jagi beaivvi oktavuođas Suodjalusa ladniin ja skiipain gos lea geatnegahttojuvvon saluhttabávkaleapmi.

Odne deavdá Prinseassa Ingrid Alexandra 18 jagi. Dat markerejuvvui saluhttaiguin Akershusa ladni kanovnnain. Govven: Ole Berg-Rusten / NTB

Diplomahtain dearvvuođat Prinseassai

Ikte ledje máŋga ambassadevrra Šloahtas gos čálle dearvvuođaid lihkusávaldatprotokollai mii lei biddjon dohko Prinseassa Ingrid Alexandra válddálašvuođabeaivvi oktavuođas.

Badjel 70 riikkain leat ambassádat Oslos. Lea vierrun ahte ovttaskas riika ambassadevra dahje ambassáde ovddasteaddji boahtá Šlohttii čállit lihkusávaldagaid lihkusávaldatprotokollii go leat mearkabeaivvit Gonagasviesus.

Stuorradiggepresideanta Masud Gharahkhani vuolláičállá lihkusávaldatprotokolla. Govven: Sven Gj. Gjeruldsen, Gonagaslaš hoavva.

Celke riegádanbeaivvedearvvuođaid Prinseassai 18-jagi beaivve oktavuođas. Govven: Lise Åserud / NTB.

Prinseassa Ingrid Alexandra. Govva: Ida Bjørvik, Gonagaslaš hoavva | Viečča Lieseansadieđut

Prinseassa Ingeborg oaččui diadema skeaŋkkan isidis, Ruoŧa Prins Carlas. Govva: Gonagaslaš hoavva

Maŋabealde gurut ravddas: Nederlándda Prinseassa Catharina-Amalia ja Belgia Prinseassa Elisabeth. Ovddabealde gurut ravddas: Ruoŧa Prinseassa Estelle, Prinseassa Ingrid Alexandra ja Luxembourga Prinsa Charles. Govven: Lise Åserud, NTB

Ovddeabealde: Gonagas Harald, Prinseassa Ingrid Alexandra ja Dronnet Sonja. Maŋabealde gurut ravddas: Marit Tjessem, Ruvdnaprinseassa Mette-Marit, Ruvdnaprinsa Haakon, Prinsa Sverre Magnus ja Marius Borg Høiby. Govven: Lise Åserud. NTB

Gonagasbearaš, bearaš ja gonagaslaš guossit. Govven: Håkon Mosvold Larsen / NTB

Dronnet Sonja boahtá gallamállásiidda ovttas Ruvdnaprinsa Haakoniin. Dronnet doalai eahkeda vuosttaš sártni. Govven: Lise Åserud / NTB

Čájeha 8 oktiibuot 43