Canada stáhtaguossit
Majestehtaguovttos Gonagas ja Dronnet sávaiga Canada generálguvernørii, H.E. Michaëlle Jeanii, ja hearrá Jean-Daniel Lafondii buresboahtima Norgii. Gonagaslaš Allavuođaguovttos Ruvdnaprinsa ja Ruvdnaprinseassa leigga maid fárus buresboahtinseremoniijas Šloahttašiljus.
Cuoŋománu 27. beaivi 2009
Maŋŋá vuostáváldima finai generálguvernøra Stuoradikkis, gos son čoahkkimasttii Stuoradikki várrepresideanttain.
Liđiid bidjan
Dan maŋŋá bijaiga generálguvernøra ja hearrá Lafond, ovttas Gonagas Haraldiin ja Dronnet Sonjai liđiid Našunálmonumentii Akershus festningas ja maiddái canada soahtehávddiide Vestre Gravlunddas.
Maŋŋelgaskabeaivvi lei generálguvernøras čoahkkin stáhtaministtar Jens Stoltenberggain.
Gállamállásat
Gonagas ja Dronnet lágideigga lunsja generálguvernørii ja eará gussiide geat ledje su fárus Šloahtas diibmu 14:00, ja eahkes lágiduvvo gállamállásat Šloahtas Canada gussiide gudnin. Earret Gonagasbára, de ledje dáin lágidemiin mielde maiddái Ruvdnaprinsa Haakon, Ruvdnaprinseassa Mette-Marit ja Prinseassa Astrid.
Stáhtaguossástallan lea cuoŋománu 28. beaivvis 30. beaivái.
