Čalmmustahtteba Sámi álbmotbeaivvi
DD.KK.HH. Ruvdnaprinsa Haakon ja Ruvdnaprinseassa Mette-Marit searvaba Sámi álbmotbeaivvi ávvudeapmái Kárášjogas odne.
Guovvamánu 5. beaivi 2009
Ruvdnaprinsabárra beasai čuovvut ollu lágidemiid, ja soai finaiga Sámedikkis, Sámiid vuorkádávviriin ja Kárášjoga skuvllas. Maŋŋelgaskabeaivvi leigga soai ipmilbálvalusas Kárášjoga girkus.
Sámediggi
Sámedikki presideanta Egil Olli ja dievasčoahkkima jođiheaddji Jarle Jonassen sávaiga Ruvdnaprinsii ja Ruvdnaprinsessii buresboahtima Sámediggái. Skádjil koarra lávllui Sámisogalávlaga.
Sámedikkis deaivvadeigga Ruvdnaprinsa ja Ruvdnaprinseassa Sámedikki presideanttain, dievasčoahkkima jođiheddjiin ja Sámedikki direktevrrain. Ja sudnuide čájehedje earet eará vázzinhálla ja dievasčoahkkinlanja. Soai beasaiga maid oaidnit sistti masa Gonagas Olav lea čállán namas ja stáidnárnáhki masa Gonagas Harald lea čállán iežas nama.
Sámiid vuorkádávvirat
Karen Elle Gaup čájehii Ruvdnaprinsabárrii Sámiid vuorkádávviriid Kárášjoga museas ja muitalii daid birra. Čoakkáldagas leat 4.500 dávvira mat leat čohkkejuvvon sámi guovlluin Norggas, Ruoŧas, Suomas ja Ruoššas. Dávvirat gullet boazodollui, eanandollui, guolásteapmái, dáiddaduodjái ja oskui.
Kárášjoga skuvla
Skuvlašiljus ledje sierra lágideamet álbmotbeaivvi. Oahppit njorostalle, čierastalle, dánso ja lávlo. Ruvdnaprinsabárra beasai earet erará gullat junior grand prix-vuoitolávlaga ”Oro jaska beana”,
Ipmilbálvalus
Maŋŋelgaskabeaivvi leigga Ruvdnaprinsa ja Ruvdnaprinseassa sámi álbmotbeaivvi ipmilbálvalusas Kárášjoga girkus.
