- Buorit dagut gádjot máilmmi
Majestehta Gonagas siterii Bjørnson go rabai norgga-sloavakia seminára man fáddán lei fitnodagaid servodatovddas-vástádus. Bjørnson lei maid guovddážis maŋŋil dán beaivvi, dasgo Gonagasbárra rabai sierra Bjørnsončájáhusa.
Golggotmánu 27. beaivi 2010
“Good deeds save the world, said Bjørnson. This is a good starting point for today’s conference, which will explore how corporate social responsibility and social dialogue can benefit both businesses and society.”, logai Gonagas Harald.
Seminára Bratislavas čohkke sihke politihkalaš mearrideddjiid, organisašuvnnaid ja ealáhusbargiid goappešat riikkain. Ulbmil lea oažžut áigái ekonomalaš ovttasbarggu mii galgá vuođđuduvvot dehálaš vuođđojurdagiidda nugo sihkkaris bargobiras, olmmošárvu ja nanu guoddi biras.
Gaudeamus – veahkki doaibmahehttejuvvon mánáide
Majestehta Dronnet álggahii beaivvi Gaudeamusguovddážis. Guovddáš fállá veahki doaibmahehttejuvvon mánáide, ja das leamaš vejolašvuohta viiddidit iežas hydroterapeutalaš fálaldaga vuojadanbasseaŋggain, earet eará danin go lea ožžon ekonomalaš veahki Norggas EØS ruhtadanortnegis.
Dronnet beasai deaivvadit mánáiguin luohkkálanjain, gos sii čájehedje Dronnegii iešguđetlágan dujiid. Dronnet Sonja beasai maid oaidnit hydroterapiguovddáža, gos beasai deaivvadit mánáiguin ja Paralympics oassálastiiguin.
Slovakia dáiddaduojit
Dan maŋŋá finadii Dronnet maiddái ÚĽUV organisašuvnna guossis, gos barget ovddidit ja suodjalit slovakia dáiddadujiid. Organisašuvnna váldokantuvra lea boares dáiddabargobáikkis Bratislava boares gávpotoasis. Dronnet Sonja beasai geahčadit dan guovddáža, sihke duodjelanjaid ja čájáhuslanjaid, ja beasai gullat guovddáža birra.
Viidni ja Warhol
Dáidda- ja viidneguovddáš In Vino lea olggobealde Modra, Malokarpatská viidneráhkandanbáikkis. Lassin viidneráhkadeapmái, lea guovddážis maid restauránta ja dáiddagalleriija. Galleriijas, Zoya Museum, lea stuora Andy Warhol čájáhus mii čađat čájehuvvo, ja Gonagasbárra beasai fitnat sihke dáiddagalleriijas ja viidnefabrihkas.
Bjørnson Bratislava latnis
Bjørnstjerne Bjørnson ii leat beakkán ja dovddus olmmái dušše norgalaš kultur-ja servodathistorjjás. Son giddii stuora beroštumi dasa ahte smávva našuvnnain galgá leat iešmearridanriekti, ja vuoigatvuohta bisuhit iežaset giela ja kultuvrra, ja danin son lea ge ožžon saji maiddái Slovakia olbmuid dihtomielas, ja lea namma mii čatná Slovakia ja Norgga oktii.
"Bjørnstjerne Bjørnson was a true friend of Slovakia. With his deep humanist convictions, he fought for the rights of the Slovak nation. And as a result, he is almost as famous in this country as he is in Norway.", Logai Gonagas iežas sártnis. Maiddái gallamálessártnis čujuhii Gonagas Harald man dehálaš árvvuid Bjørnson ovddidii:
"(... ) unnitloguálbmogiid olmmošárvvu doahttaleapmi, doarjja kultuvrralaš girjáivuhtii, olbmuid ovttasbarggut ja ahte hukset šaldi našuvnnaid gaskii."
Dán jagi lea 100 jagi dan rájes Bjørnsons jámii, ja dan muittašit maiddái Slovakias. Čájáhus mii rahppojuvvui Bratislava boares latni alde, čájeha Bjørnsona eallima, diktačállima ja maid son mearkkaša Slovakia olbmuide.
Goappešat riikkaid olgoritministarat doalaiga sáhkavuoru čájáhusa rahpamis, ja de rabaiga Presideanta Gašparovič ja Gonagas Harald diktačálli byste. Herborg Kråkevik lágidii kulturoasi dán dilálašvuođas for.
Vuostáiváldimat
Odne veaigin leaba Gonagas ja Dronnet norgga ealáhussáttagotti vuostáiváldimis Hotel Bôrika. Badjel 70 áirasa geat ovddastit norgga ealáhusaid leat Gonagasbára mielde dán stáhtaguossástallamis.
Maŋŋelaš odne eahkes, lea sihke Gonagas ja Dronnet, Presideanta Ivan Gašparovič ja su roavvá Silvia Gašparovičová guossin vuostáiváldimis Hotel Crowne Plazas, maid norgga ambassáda lágida. Norgalaš Valkyrien Allstars guoimmuhit gussiid iežaset ođđamállet norgga árbevirolaš musihkain, ja dan maŋŋil beassá sihke presideantabárra ja eará guostsit máistet "A Taste of Norway” borramušaid
