Prinseassa Ingrid Alexandra bio
Gonagaslaš Allavuohta Prinseassa Ingrid Alexandra riegádii Rikshospitálas Oslos ođđajagimánu 21. beaivvi 2004. Prinseassa lea nubbin árbenráiddus, áhčis Ruvdnaprinssa Haakon maŋis.
Cuoŋománu 17. beaivvi 2004 gásttašuvvui Prinseassa Šloahttakapeallas, lei bisma Gunnar Stålsett gii su gásttašii.
Gonagaslaš Allavuođa Prinseassa Ingrid Alexandra fáddarat leat Majestehta Gonagas, Spanias Majestehta Gonagas Felipe VI, Dánmárkku Gonagaslaš Allavuohta Ruvdnaprinsa Frederik, Ruoŧa Gonagaslaš Allavuohta Ruvdnaprinseassa Victoria, Prinseassa Märtha Louise ja Marit Tjessem.
Buot fáddarat ledje boahtán Prinseassa konfirmašuvdnii Šloahttakapeallas borgemánu 31. beaivvi 2019.
Bearjadaga ođđajagimánu 21. beaivve deavdá Prinseassa Ingrid Alexandra 18 jagi. Prinseassa lea ožžon sierra kántuvrra Šloahtas. Áiggi mielde oažžu Prinseassa Ingrid Alexandra eanet almmolaš doaimmaid Gonagasviesu ovddas, muhto boahttevaš jagiid áigu son vuosttačettiin oahpu vuoruhit.
2024 čađaha Prinseassa Ingrid Alexandra 12-mánnosaš vuosttasgearddebálvalusa Brigade Nord Inšenevrabataljovnnas, ja son manná de Skjold leirii Siskkit- Tromssas. Maŋŋel rekruhttaáigodaga oažžu Prinseassa bálvalusbarggu, ja čađaha fágalaš áigodaga spesifihkka oahpahusain. Dan maŋŋel čuovvu ossodatáigodat hárjehallamiiguin.
Vuosttaš doaibma
Prinseassa Ingrid Alexandra berošta birasgáhttemis, ja biras lei ge fáddán Prinseassa vuosttaš almmolaš doaimmas, earret miessemánu 17.beaivvi ja Holmenkollen sotnabeaivvi. Ovttas Ruvdnaprinseassain dearvvahii son Birasageantaparáda Šloahttašiljus, gos badjel duhát ageantta čalmmustahtte Máilmmi birasbeaivvi 2009:s.
2016:s lágiduvvojedje dálveolympiija gilvvohallamat nuppe geardde historjjás Lillehammeris. Prinseassa Ingrid Alexandra cahkkehii dola rahpanseremoniijas gos ledje 13 000 olbmo.
Go Norgga ođđaseamos dutkanfanas galggai gásttašuvvot, de oaččui Prinseassa gudnin leat skiipa risteadnin (2018).
Čuovvu árbevieruid
Gonagas Haakon ja Dronnet Maud álggaheigga jagis 1906 mánáidtoga dearvvaheami Šloahttabalkoŋggas. Prinseassa Ingrid Alexandra lea viđat buolva balkoŋggas ja lei doppe juo iežas vuosttaš miessemánu 17.beaivvi.
Gonagasbearaš láve maid álo leat Holmenkollenis. Dat árbevierru lea leamaš juo 1906 rájes. Maiddái doppe lea Prinseassa leamaš čađat – unnivuođa rájes juo. Guovtte mánnosažžan lei son vuosttaš geardde Gonagastribunas.
Sierra skulptuvrapárka
2016 geasi rahppojuvvui Prinseassa Ingrid Alexandra Skulptuvrapárka Šloahttapárkkas. Doppe leat mánáid skulptuvrrat – maid mánát ieža leat ráhkadan. Juohke jagi gitta 2019 rádjái leat ollu skulptuvrrat lassána dohko, ja Prinseassa lea ieš válljen daid evttohusain maid mánát miehtá riikka leat sádden.
Dađistaga go Prinseassa rávásnuvvá, oažžu su dađistaga eanet almmolaš doaimmaid Gonagasviesu ovddasteaddjin.
Aktiivvalaš nieida
Prinseassa lea aktiivvalaš nieida gii liiko čuoigat. Son liiko - seammaládje go Gonagasbearaš muđui - čáhcefalástallamii, ja eandalii surfing lea su miela mielde.
Prinseassa Ingrid Alexandra: Skuvlavázzin
Skuvlavázzin
Ođđajagimánus 2006 álggii Prinseassa Ingrid Alexandra mánáidgárdái Askeris, ja 2010 čavčča šattai son Jansløkka mánáidskuvlla skuvlanieiddaš. 2014 čavčča rájes 2019 giđđii váccii son Oslo Internašuvnnalaš skuvlla, ja dál lea son oahppin Uranienborg skuvllas Oslos.
2020 čavčča šattai Prinseassa Elvebakken nammasaš joatkkaskuvlla-oahppin, Oslos. 2023 giđa lei son russa, ja loahpahanseremoniija lágiduvvui geassemánu 20. beaivve 2023.
2024 čađaha Prinseassa Ingrid Alexandra 12-mánnosaš vuosttasgearddebálvalusa Brigade Nord Inšenevrabataljovnnas.