Gonagaslaš dállodoallu
Gonagaslaš dállodoallu doaimmaha bargguid mat gusket Gonagasbára ja Ruvdnaprinsabára ovddastemiide ja eará almmolaš ja priváhta doaimmaide. Dállodoallu veahkeha maid Prinseassa Astrid, Ferner roavvá ja Prinseassa Märtha Louise dárbbu mielde.
Dállodoallu lea hui guovddážis Gonagaslaš hoava jođiheamis, maiddái dan oktavuođas go ollu eará sekšuvnnaid bargit leat bálvalusas mátkkiin ja dan áiggi go Gonagasviesu olbmot leat Gonagasskiippas dahje eará gonagaslaš gárdimiin. Dát ossodat doaimmaha ollu lágidemiid iešguđetge sturrodagas jagi mielde, ja das leat ollu doaimmat Stáhtaguossástallamiid oktavuođas.
Dállodoallu áimmahuššá ja ovddida daid ollu lásedávviriid ja servisaid mat leat Šloahtas, ja ortnegisdoallá historjjálaš diŋggaid, tekstiillaid ja uniforpmaid. Ossodat ordne maid lieđđehearvvaid gonagaslaš opmodagain.
Dállodoalu jođiha Gonagaslaš dállodoalu hoavda, Lars Christian Krog. Dállodoallu lea juogaduvvon sekšuvnnaide Gievkkan, Hoavvameasttir ja Viessoekonoma. Gonagasbára priváhta bargoveahka ja Ruvdnaprinsabára ruovttu bargoveahka gullet maid Dállodollui.
