Hopp til hovedinnhold

Rabai veteránaid monumeantta

- Cahkkehehkot čuovgga giitun Norgga veteránaide. Nie loahpahii Majestehta Gonagas Harald sártnistis go rabai veteránamonumeantta Touchpoint Áisejogas odne.

26.10.2011

Monumeanta lea ceggejuvvon muitun norgalaš soahtevuorrasiidda, sihke sidjiide geat sohte 2.máilmmisoađis ja buohkaide geat leamaš mielde internašunála operašuvnnain maŋŋá nuppi máilmmisoađi. Maŋŋá nuppi máilmmisoađi leat sullii 100 000 norgalačča leamaš mielde lagabui 100 internašunála militeara operašuvnnain, 40 riikkas, njealji máilmmioasis.

Ii leat daddjon ahte mii álo beassat eallit friddja, demokráhtalaš riikkas. Dat eatnat árvoválljemat maid mii eaŋkilolbmot dahkat beaivválaččat, dihkkádit geainnu ovddosguvlui. Mii galgat maid muitit ahte logiduháhiid mielde norgalaš nissonolbmot ja dievddut leat válljen iežaset oadjebasvuođain sihkkarastit midjiide dan dili mii mis dál lea, logai Gonagas Harald.

Lea Norges Veteranorganisasjon for Internasjonale Operasjoner – NVIO – mii lea bargan oažžut dán monumeantta ceggejuvvot, ja Romssa suodjalussuohkanat leat prošeavtta dorjon ruđalaččat. Ollu nissonolbmot ja dievdoolbmot geat leat Norgga ovddas soahtebálvalusain olgoriikkain, leat leamaš juste dáppe Romssas hárjehallamiin. Danin lea ge riekta ja mávssolaš ahte monumeanta lea ceggejuvvon juste deike, deattuhii Gonagas sártnistis.

Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas