Hopp til hovedinnhold

Stuoradikki rahpan

Majestehta Gonagas doaimmahii odne 156. dábálaš Stuoradikki allaáiggalaš rahpama. Dán árbevirolaš seremoniija mannolat leat mearriduvvon Vuođđolága § 74:s.
05.10.2011

Stuoradiggi čoahkkana dábálaččat maŋŋel luomu vuosttaš árgabeaivvi golggotmánus, ja go Stuoradiggepresideanta lea almmuhan Stuoradikki lágalaččat čoahkis, de boahtá Majestehta Gonagas. Maŋemus jagiid lea maid Majestehta Dronnet ja Gonagaslaš Allavuohta Ruvdnaprinsa leamaš mielde rahpamis. Dán jagi Stuoradikki konstitueren lei lávvordaga golggotmánu 1.beaivvi, ja odne lei ge dan allaáiggalaš rahpandilálašvuohta.

Ruvdnasárdni ja Riikka dilálašvuohta

Rahpandilálašvuođas leat guokte váldoelemeantta; namalassii Ruvdnasárdni ja riikka dilálašvuođa čilgen. Lea Gonagas gii doallá Ruvdnasártni, muhto dan leat čállán Ráđđehusa áirasat. Sártnis váldojuvvojit ovdan ráđđehusa politihka váldolinnját boahtte jahkái.

Maŋŋel Ruvdnasártni čuovvu čilgehus riikka dilálašvuođa birra. Dat lea dieđáhus dan birra maid Ráđđehus lea olahan maŋemus jagi, ja árbevieru mielde galgá dien dieđáhusa ovdanbidjat Ráđđehusa nuoramus lahttu. Dán jagi lei ge oljo-ja energiministtar Ola Borten Mo gii doalai dien sártni.

Seremoniija mii lea čállojuvvonVuođđoláhkii

Seremoniija lea mearriduvvon Vuođđolágas, § 74: ”Saasnart Storthinget har konstitueret sig, aabner Kongen eller den, han dertil beskikker, dets Forhandlinger med en Tale, hvori han underretter det om Rigets Tilstand og de Gjenstande, hvorpaa han især ønsker at henlede Storthingets Opmærksomhed. Ingen Deliberation maa finde Sted i Kongens Nærværelse.”
 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas