Njuike váldosisdollui

Rabai seminára Ljubljanas

Majestehta Gonagas Harald rabai odne ealáhusseminára Slovenian – Norwegian forum of competence, ja dan maŋŋá finaiga Majestehtaguovttos Gonagas ja Dronnet ovttas geahččamen máŋga prošeavtta maid Norga lea dorjon.

10.05.2011

Sártnistis seminára oasseváldiide odne deattuhii Gonagas Harald movt Šlovenia EU lahttovuohta lea nannen Norgga ja Šlovenia ovttasdoaimma, ja movt oktavuođabáttit ain nannejuvvohit prošeavttaid bokte mat ožžot Norway Grants doarjagiid. Gonagas sávai ahte otná seminára váikkuhivččii dasa ahte gávppašeapmi dan guovtti riikka gaskkas ain nannejuvvošii:

While the trade between Slovenia and Norway still is rather modest, it has nearly doubled since your country joined the EU in 2004. Last year saw an increase of 14 %. This is a trend I hope will continue in the years to come. I hope that the business seminar today will pave the way for even closer bilateral economic ties.

Seminára loahpageahčen oaččuiga Gonagas Harald ja Presideanta Türk vejolašvuođa dearvvahit sihke norgga ja šlovenia ealáhusjođiheddjiid.

Finaiga veajuidahttinguovddážis

Dearvvašvuođaguovddáš University Rehabilitation Institute (URI Soča), lea bures lihkostuvvan guovddáš mii bargá doaimmashehttejuvvon olbmuid veajuidahttimiin. Gonagasbárra finai odne dien guovddážis, gos beasaiga gullat sin doaimmaid birra.

The International Trust Fund for Demining and Mine Victims Assistance (ITF) er en viktig samarbeidspartner for URI Soča. ITF har blant annet gitt støtte til rehabilitering av ofre for krigshandlinger, og the Gaza Project er ett resultat av dette. Prosjektet gjør det mulig for URI Soča å hjelpe barn som har blitt skadet i konflikten i Gaza. Kong Harald og Dronning Sonja fikk møte noen av barna fra Gaza under besøket i dag.

Norga lea okta juolludeddjiin miii addá eanemus doarjaga ITF doaimmaide.

Radovljica

Radovljica lea unna gávpogaš Šlovenia oarjjadavágeahčen, man historjjá sáhttá čuovvut gitta 1300-lohkui. Radovljica lea okta viđa gávpogis dien guovllus mat leat mielde prošeavttas man namma lea Ealli boaresgávpot (Lively Old Town). Prošeavtta ruhtada Norway Grants ja dan ulbmil lea ovddidit ja bisuhit dáid historjjálaš báikkiid.

Borgermeasttir Ciril Globočnik vuostáiválddii Gonagasa ja Dronnega, ja son oahpistii ja čájehii maid Gonagasbárrii boaresgávpoga.

Radovljica Manor lea okta historjjálaš visti mii lea divoduvvon, ja doppe leat dál ollu čájáhusat. Okta dain čájáhusain lea govvačájáhus mii dokumentere juste Lively Old Town-prošeavtta. Nika Leben, gii bargá instituhtas gos barget Šlovenia kulturárbbi suodjalemiin, muitalii Gonagasbárrii dán čájáhusa birra.

Radovljica guossástallan loahpahuvvui unna konsearttažiin. Ba-rock band lea musihkkajoavku mii čuojaha iešguđetlágan šáŋgeriid, sihke šlovenia álbmotmusihka, barohka ja rock.

Lunša Villa Bledas

Gonagas Harald ja Dronnet Sonja leigga presideantabára lunšaguossin Villa Bledas. Dát villa lei ovdalaš Jugoslavias presideantta Tito geasseássanbáiki, ja dáppe son vuostáiválddii ollu almmolaš gussiid. Villa Bled rahppojuvvui hoteallan 1984:s.

Guossástallan loahpahuvvo

Veaigin deaivvadeaba Gonagas ja Dronnet norgga ealáhussáttagotti áirasiiguin, ja dasto lea Norgga vuorru bovdet Presideantta Danilo Türk ja su roavvá Barbara Miklič Türk almmolaš mállásiidda.

Norgga ambassadøra Šlovenias, Guro Vikør, lea guossoheaddjin vuostáváldin dilálašvuođas mii lágiduvvo Ljubljana Castles. Norgga musihkárat Mari Silje (fioliidna) ja Håkon Samuelsen (cello) galgaba čuojahit.

Stáhtaguossátallan loahpahuvvo almmolaččat maŋŋelaš odne eahkes, sierra seremoniijain Brdo Castles.

Fáktadieđut

Fáktadieđut Republihka Šlovenia birra

Oaivegávpot: Ljubljana
Stuorámus gávpogat: Ljubljana, Maribor ja Celje

Viidodat: 20 273 km²
Olmmošlohku 2011: Badjelaš 2 miljovnna
Almmolaš giella: Šloveniagiella, muhto muhtun rádjesuohkaniin hupmet maid itáliija-ja ungárnagielaid.

Stivrenvuohki: Republihkka
Stáhtaoaivámuše 2019: Presideanta Borut Pahor
Stáhtaoaivámuše 2011: Presideanta Danilo Türk

Šlovenia ja Norgga gaskkas leat leamaš diplomáhtalaš oktavuođat 1992 rájes, ja gaskavuohta lea hui buorre. Gonagasbára vuosttaš stáhtaguossástallan miessemánus 2011 lea vuosttaš Norgga stáhtaguossástallan Šlovenias.Ovddit presideanta Milan Kučan inai Norggas 1997: s, ja dalle vuostáiválddii Gonagas Harald su audienssas.

Gáldu: UD

Kong Harald og Dronning Sonja tar i mot President Borut Pahor på Slottsplassen. Kronprins Haakon ledsaget President Pahor fra flyplassen til Slottet. Foto: Stian Lysberg Solum / NTB scanpix
Fáktadieđut

Fáktadieđut Norway Grants / EEA Grants birra

Dat lea prográmma mas Islánda, Luxembourg ja Norga, juogo ovttas dahje guhtege sierra, doarju prošeavttaid mat sáhttet geahpedit ekonomalaš ja sosiála erohusaid EES-guovllus. Seammás dat váikkuha dasa ahte šadda nanu oktavuohta juolludeaddji riikkaid gaskii ja maiddái dan 15 riikka gaskii guovddáš- ja Mátta-Eurohpás mat vuostáiváldet doarjagiid.

Áigodagas 2009 – 2014 leat 32 prográmmasuorggi maidda sáhttá doarjaga ohcat. Memoranda of understandig oktavuođas šihttojuvvo makkár prošeavttaide galgá vuoruhit doarjaga guđege riikkas.

Norga vuoruha doarjut prošeavttaid čuovvovaš surggiin

  • Biras ja dálkkádagat
  • Bargodilit
  • Dutkan ja oahpahus
  • Dearvvašvuohta
  • Dásseárvu
  • Riektedoaibma

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas