Hopp til hovedinnhold

Stáhtaguossit Sveitssas

Sveits stáhtaguossástallan álggii odne. Majestehtaguovttos Gonagas ja Dronnet vuostáiválddiiga Presideantta Doris Leuthard ja dr Roland Hausin allaáiggalaš seremoniijas Šloahttašiljus.

14.10.2010

Sveitssa presideantabárra lea stáhtaguossástallamis Norggas golggotmánu 14.-15. beivviid. Gonagaslaš Allavuohta Ruvdnaprinsa Haakon vuostáiválddii sudno Gardermoenis ja čuovui Presideantta ja dr Hausin buresboahtinseremoniijai Šloahttašiljus.

Buresboahtinseremoniija

Gonagas Harald ja Dronnet Sonja, geat leaba gussiid láidesteaddjit, ja Ruvdnaprinseassa Mette-Marit sávve Presidentii Leuthard ja dr Hausinii almmolaš buresboahtima Norgii.

Presideanta Leuthard inspiserii gudnigardena ovttas Gonagasain. Dasto presenterii Gonagas Harald gussiide almmolaš Norgga ovdasteddjiid.

Kránsabidjan Našunálmonumeanttas

Nugo lea árbevierru stáhtaguossástallamiid oktavuođas, de lei kránsabidjan našunálmonumeanttas vuosttaš oassi almmolaš prográmmas maŋŋel buresboahtima ja almmolaš lunšša Šloahtas. Presideanta Leuthard inspiserii gudnigardena ovdal go bijai kránssa muittomearkka lusa mii lea ceggejuvvon muitun norgalaččaide geat gahčče 2.máilmmisoađis.

Maŋŋá kránsabidjama manne mátkkálaččat fitnat Norsk senter for design og arkitektur – DogA.

DogA sveitssa designa

Gonagasbárra ja Presideantabárra ledje DogA báikkis go doppe rahpe čájáhusa Design Preis Schweiz. Dán sveitssa bálkášumi ulbmil lea ovddidit sveitssa design mearkkašumi, ja dat juogaduvvon juohke nuppi jagi.. Design Preis Schweiz addojuvvo prošešavttaide mat leat earenoamáš lági mielde leamaš innovatiiva ja ovddosguvlui jurddašeaddjit.

Čájáhusas maid odne rahpe oaidnit viessodávvir-ja interiørdesign, mota ja tekstiila, buktagat- ja industridesign hábmejeddjiid vuitiid ja geat ledje nominerejuvvon.

Čoahkkimat

Maŋŋá DogA rahpama, mátkkošteigga Presideanta Leuthard ja Gonagas Harald Stuoradiggái, gos lei čoahkkin Stuoradiggepresideanttain Dag Terje Andersen. Dan maŋŋá manai Presideanta Ealáhus-ja gávpedepartementii gos lei čoahkkin stáhtaráđiin Trond Giske.

Olju ja plastihkka Teknihkalaš museas

Oktanaga ovdalis namhuvvon čoahkkimiiguin, finadeigga Dronnet Sonja ja dr Hausin Teknihkalaš museas. Doppe sudnuide muitaledje guovtti čájáhusa birra:

Oljo-ja gássačájáhus muitala historjjá movt petroleum šattai Norgga ođđa ealáhus ja váldo dienasgáldu maŋŋá 1970. Čájáhus "Plast i det moderne Norge" čájeha máŋggalágan beliid dien ávdnasis; plastihkka nugo govvan dasa mii ii leat albma, geavahan-ja bálkunmentalitehta ja ruskaduvnnit – ja plastihka demokratiserendoaibma, ahte gálvvuid ráhkadit nu hálbin vai buohkain lea vejolaš daid oastit.

Gallamállasat

Eahkes ledje gallamállásat Gonagaslaš šloahtas Presidentii Doris Leuthard ja dr Roland Hausinii gudnin.

Fáktadieđut

Fáktadieđut Sveits birra

Oaivegávpot: Bern
Stuorámus gávpogat: Zürich, Genève, Basel ja Bern

Sturrodat: 41 284 km²
Olmmošlohku; 2010: sullii 7,8 miljovnna
Almmolaš giella: Duiska, fránskagiella ja itálialašgiella

Stivrenmálle: Konføderála republihkka
Stáhtaoaivámuš: Forbunddapresideanta Doris Leuthard

Diplomáhtalaš oktavuođat Norgii 1906 rájes
Sveits lea dehálaš Norgii earet eará surggiin nugo EFTA ja WTO, dain surggiin lea lagas ovttasbargu ealáhuspolitihkalaš oktavuođain.


Gáldu: UD

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas