Hopp til hovedinnhold

155. Stuoradikki rahpan

Odne rabai Majestehta Gonagas Harald allaáiggalaččat 155. Stuoradikki. Rahpandilálašvuođas logai Gonagas Truvdnasártni, mas leat Ráđđehusa politihka váldoáigumušat boahtte jahkái.

02.10.2010

Majestehta Dronnet ja Gonagaslaš Allavuohta Ruvdnaprinsa leigga maid Stuoradikkis odne.

Truvdnasárdni ja Riikka dilálašvuohta

Go Gonagas lei lohkan Truvdnasártni, ja nu maiddái almmuhan Ráđđehusa áigumušaid boahttevaš áigái, de ovdanbuvttii Ráđđehus Dieđáhusa mii čilge Riikka dilálašvuođa. Dieđáhusas čilgejuvvo ráđđehusa vássán jagi politihkka – mii lea ollašuvvan ja makkár evttohusat leat ovddiduvvon.

Árbevieru mielde, de lea nuoramus stádaráđđi mii dán dieđáhusa galgá lohkat. Dán jagi lei Mánáid-dásseárvo-ja searvadahttinministtar Audun Lysbakken gii logai dieđáhusa. Loahpas doalai Stuoradiggepresideanta Dag Terje Andersen sártni. Suoradiggepresideantta doaibma lea alimus almmolaš virgi Norggas vuolábealde Gonagasa.

NRK sáddii olles dán seremoniija njuolggosáttan Stuoradiggesálas.

Seremoniija mii lea čállojuvvon

Vuođđoláhkii Stuoradikki almmolaš rahpan lea oassi Majestehta Gonagasa lágas mearriduvvon doaimmas. Vuođđolága § 74 čilge movt seremoniija galgá doaimmahuvvot:

”Saasnart Storthinget har konstitueret sig, aabner Kongen eller den, han dertil beskikker, dets Forhandlinger med en Tale, hvori han underretter det om Rigets Tilstand og de Gjenstande, hvorpaa han især ønsker at henlede Storthingets Opmærksomhed. Ingen Deliberation maa finde Sted i Kongens Nærværelse.”

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas