Hopp til hovedinnhold

Vuosttaš skuvlabeaivi

Gonagaslaš Allavuohta Prinseassa Ingrid Alexandra lea álgán Jansløkka mánáidskuvlii Askeris. Sihke váhnemat ja áhkku ja áddjá čuvvo Prinseassa skuvlii vuosttaš skuvlabeaivvi.

19.08.2010

Gonagas Harald, Ruvdnaprinsa Haakon, Ruvdnaprinseassa Mette-Marit ja Ruvdnaprinseassa eadni, Marit Tjessem, čuvvo Prinseassa Jansløkkai. Dat lea okta dain boarraseamos skuvllain Askeris, ja lea Skaugum lahka.
 

Prinseassa Ingrid Alexandra álgá 1. luohkkái, ruoná jovkui, ja lea Margrethe Setså Jensen gii lea Prinseassa ja daid eará 21 oahppi oktavuohtaoahpaheaddji.
 

Buresboahtinprográmma

Rektor sávai ođđa ohppiide buresboahtima olggobealde 1915-vistti. Boarrasit oahppit lávlo Jansløkkalávlaga, ja mánáide muitaluvvui "skuvlariebana" birra. Ja de loahpas čurvo mánáid namaid luohkáid mielde – alit, ruoná, fiskes ja rukses.
 

Maŋŋá buresboahtin dilálašvuođa manne mánát iežaset luohkkálanjaide.
 

Vuosttaš Jansløkkas

Prinseassa Ingrid Alexandra lea vuosttaš Gonagasbearrašis gii galgá vázzit Jansløkka skuvlla. Ruvdnaprinsa Haakon ja Prinseassa Märtha Louise vácciiga Smestadas. Smestad lei maiddái Gonagas Haralda mánáidskuvla, muhto soađi geažil lei su vuosttaš skuvlabeaivi Ameriikkas.

 

Sihke váhnemat ja áhkku ja áddjá čuvvo Prinseassa skuvlii vuosttaš skuvlabeaivvi (Govva: NRK, Klipp: Ida Fjeldbraaten, DKH, Inngangsbilde: Stian Lysberg Solum, Scanpix)

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas

Áigeguovdilis áššit

Juovlagovat Šloahtas

Juovlagovat Šloahtas

Odne almmuhuvvojedje Gonagasbára ja Ruvdnaprinsabearraša árbevirolaš juovlagovat. Dán háve leat sii govvejuvvon Šloahttakapeallas.

21.12.2020
Adveantaboddu Šloahttakapeallas

Adveantaboddu Šloahttakapeallas

- Buresboahtin min lusa deike Šloahttakapellii. Dán jagi hálidit mii juogadit adveantabottu dinguin. Sávan diidjiide buori vásáhusa ovttas minguin. 

20.12.2020
Ođasvuorká Ođasvuorká Ođasvuorká