Kronprinsparet møtte Barnas Klimapanel
– Vi har også rett til å bli høyrde, fortalde dei åtte barna i Barnas Klimapanel til Kronprinsparet under dagens lunsjmøte på Skaugum.
Den Høgvørde Kronprinsen og Den Høgvørde Kronprinsessa hadde invitert panelet av barn i alderen 11 til 15 år til Skaugum for å høyre meir om engasjementet deira for å ta vare på naturen og kloden – og kjempe mot klimaendringar.
Jakob Sande Haugset (11) frå Sandane fortel om sitt miljøengasjement. Milla Søreide Charbaut (12), Kronprinsesse Mette-Marit, Viljar Olaussen (11) og Olivia Moe-Jordan (13) høyrer på. Foto: Lise Åserud / NTB
Barnas Klimapanel består av åtte barn frå heile landet, som vidareformidlar barn og unge sine meiningar til politikarar og avgjerdstakarar. I helga har dei vore samla fysisk for første gong sidan dei starta arbeidet sitt på nyåret.
Barnas Klimarapport
Kronprinsesse Mette-Marit ønskte dei engasjerte unge velkommen til Skaugum, og alle rundt bordet fortalde kort om seg sjølve og kvifor dei har valt å engasjere seg i klima og miljø.
Barna presenterte Barnas Klimarapport for Kronprinsparet som panelet gjev ut årleg – den siste like før deltakinga på FNs klimakonferanse i Glasgow 31. oktober til 13. november 2021. Rapporten har tittelen “Vår tids største sak – barnas ansvar?” og viser tydeleg at barn er bekymra for klimaendringane og naturen.
Kronprinsparet ønskjer Ulrik Hellum (13) og Olivia Moe-Jordan (13) i Barnas Klimapanel velkommen til Skaugum. Foto: Lise Åserud / NTB
I samtale med Kronprinsparet var barna opptekne av kor viktig det er med rettferd på tvers av landegrenser – at vi som bur i eit rikt land som Noreg, har eit ekstra ansvar. Og sjølv om ingen kan gjere alt, kan alle gjere litt. Barna sa dei var villige til å gjere ein innsats i sine liv.
Barnas Klimapanel
Representantane i panelet er medlemmer av Miljøagentene og er demokratisk valde i organisasjonen. Representantane blir valde for eitt år om gongen.
I panelet i år sit Benjamin Lau-Henriksen (15) frå Oslo, Emanuel Smári Nielsen (14) frå Oslo, Isa Mellblom Theissen (13) frå Oslo, Jakob Sande Haugset (11) frå Sandane, Milla Søreide Charbaut (12) frå Florø, Olivia Moe-Jordan (13) frå Tromsø, Ulrik Hellum (13) frå Fredrikstad og Viljar Olaussen (11) frå Porsgrunn.
Kronprinsparet saman med Benjamin, Milla, Ulrik, Emanuel, Isa, Jakob, Viljar og Olivia i Barnas Klimapanel – og Bjørn Erik og Sina i Miljøagentene. Foto: Wanda Nathalie Nordstrøm / Miljøagentene
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.