Njuike váldosisdollui

Minte dei som mista livet

I formiddag la Den Høgvørde Kronprinsregenten ned krans i minnelunden på Akershus Festning under markeringa av Forsvarets minnedag.

03.11.2019

Det er ein lang tradisjon at markeringa av Forsvarets minnedag blir lagd til første søndag i november. Dette er dagen for å heidre og minnast dei som har mista livet i Forsvarets teneste i og utanfor Noreg.

Forsvarssjef admiral Haakon Bruun-Hansen heldt minnetalen. Foto: Sven Gj. Gjeruldsen, Det kongelege hoffet

Ved seremonien i Museumsgarden på Akershus heldt forsvarssjef admiral Haakon Bruun-Hansen minnetalen. Forsvarssjefen bad deretter Kronprinsregenten om å leggje ned kransen. Stortingspresident Tone Wilhelmsen Trøen og statsråd Frank Bakke-Jensen var òg til stades under seremonien.

Kronprins Haakon legg ned krans i minnelunden på Akershus festning. Foto: Sven Gj. Gjeruldsen, Det kongelege hoffet

Etter kransnedlegginga deltok Kronprinsregenten ved minnegudstenesta i Akershus slottskyrkje, der feltprost oberst Nils Terje Lunde var forrettande prest.

Kronprins Haakon tenner Forsvarets minnelys. Foto: Torbjørn Kjosvold, Forsvaret

Under gudstenesta heldt forsvarsministeren minnetalen, og Kronprins Haakon tente Forsvarets minnelys – etterfølgd av eit stille minutt.

 

Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas