Gonagaslaš hoava jahkeraporta 2016
Gonagaslaš hoavva almmuha odne iežas ođđa jahkeraportta. Mii sávvat ahte dát ođđa raporta veahkeha oažžut eanet dieđuid ja ipmárdusa Gonagasviesu ja Hoava doaimmaid birra.
Guovddážis jagis 2016 lea leamaš Gonagasbára 25-jagi ávvudeapmi Norgga Gonagassan ja Dronnegin. Diet čalmmustahttin álggahuvvui stuora dálvefestiválain Šloahttašiljus ođđajagimánu 17.beaivvi, ja loahpahuvvui gieddefeasttain Dronnetpárkkas gosa Gonagas ja Dronnet leigga bovden 1 500 guossi miehtá riikka. Geassemánus čađahii Gonagasbárra ávvumátkki Romssas Kristiansandii Gonagasskiippain «Norge».
Lassin ávvudoaluide leat Gonagasbearrašis leamaš ollu eará aktivitehtat. Oktiibuot čađahii Gonagasbearaš 740 almmolaš doaimma riikka siste ja olgoriikkain. Sii guossástalle 48 suohkana, buot fylkkaid, Svalbárda ja oktanuppelohkái riikka.
Rabas Šloahtas leat fitnan badjel 45 000 guossástalli dilihis geassevahkuid.
Jahkerehketdoallu
Gonagaslaš civilliste jahkerehketdoallu čájeha 6 628 814 ruvnno badjebáhcaga. Ávvudoaluid goluid leat gokčan ovdalaš várrejumiiguin.
Gonagaslaš Allavuođaguovtto Ruvdnaprinssa ja Ruvdnaprinseassa bargoveaga jahkerehketdoalus lea 1 459 461 ruvnno vuolláibáza. Vuolláibáza gokčojuvvo ovdalaš várrejumiiguin.
Rabas Šloahta jahkerehketdoalus lea 619 162 ruvnno badjebáza. Badjebáza lea fievrreduvvon iežaskapitálan.
Gonagaslaš hoava 2016 jahkeraporta jahkedieđáhusain lea doaimmahuvvon Stuoradikki Presideantagoddái, Gielda – ja ođasmahttindepartementii ja Riikarevišuvdnii.
Stuorát govva
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Loahpaheigga Sel suohkanis
Sel suohkan lei maŋemus bisánanbáiki Ruvdnaprinsabára dán jagi fylkkamátkkis. Dáppe ledje sudnos somás deaivvadeamit sihke smávváiguin ja stuorráiguin – ja njealjejuolggagiiguin – Glittersjå báikkis Heidalas.
Ođđa jurdagat ja árbevierut Vågås
Ruvdnaprinsabára beasai oaidnit sihke gründariid ja boares vieruid iežaska guossástallamis Vågås eske beaivet. Gonagaslaš Allavuođaguovttos Ruvdnaprinsa ja Ruvdnaprinseassa leaba fylkkamátkkis Opplandas.