Njuike váldosisdollui

Lihkku beivviin!

Árbevieru mielde lea Gonagasbearaš Šloahttabalkoŋggas dearvvaheamen mánáidtoga Oslos.

17.05.2015

Majestehtaguovttos Gonagas ja Dronnet ja Ruvdnaprinsabearaš bohte balkoŋgii veaháš ovdalaš bealoktanuppelogi, go mánáidtoga lahkonii Šloahttašilljui.

Ovdalaččas odne vuostáiválddii Ruvdnaprinsabearaš Askera mánáidtoga Skaugum olggobealde.

St. Sunniva, Ris ja Oslo Montessori skuvllat vácce ovddemusas dán jagi toga. Dan gudni ožžot dat skuvllat geain lea jorbajagi ávvudeapmi, ja dán jagi ávvuda St. Sunniva skuvla 150 jagi. 

Birrasii 60.000 máná ledje dán jagi togas mielde, ja Gardemusihkka loahpahii ávvudeami.

Historjá

Gonagas Haakon ja Dronnet Maud ásaheigga 1906:s dan árbevieru ahte dearvvahit mánáidtoga Oslos Šloahttabálkoŋggas. Dan rájes leat sii čuvvon dien árbevieru čađat, earret 1910:s dalle go Dronnet Mauda áhčči, eŋgelas Gonagas Edward hávdáduvvui, ja soahtejagiid 1940-1944.

Dál lea miessemánu 17. beaivi ja mánáidtoga goasii seamma ášši, muhto nu ii leat álo leamaš. Sáhtát lohkat eambbo miessemánu 17.beaivvi ávvudeami birra go čuovvut njuolaid duos olgešbealde.

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas