Dronnega vásáhusat Norgga luonddus

Dronnet Sonja lea ollu jagiid mátkkoštan ruossut rássut Norggas, sihke vácci ja čuoigga, buot áiggiid jagis. Son lea maid viššal govvet. Ja eske eahkes juogadii ge son iežas vásáhusaid.

Mátki vulggii Lillehammeris ja Oslos, Finse ja Hardanger bokte gitta Lofuhttii. Dronnet čájehii logi riikka ealáhusovddasteddjiide Norgga eatnamiid ja luonddu buot jagi njealji áiggiin, sihke fiertun ja veaháš heajos dálkin.

Lei Innovasjon Norge mii lei lágideaddjin, ja dilálašvuohta lei Nobel Ráfiguovddážis, gos maiddái dán jagi Mátkeealáhusbálkkašupmi addojuvvui.

Mátkeealáhusbálkkašupmi 2012

Innovasjon Norge vállje juohke jagi ovtta mátkeealáhusfitnodaga dán jagi fitnodahkan. Mátkeealáhusbálkkašupmi addojuvvo fitnodahkii mii lea fuobmán ja álggahan ođđa mátkeealáhusvásáhusa dahje ovdánahttán vásáhusaid maid fitnodat juo ovdalaččas lea fállan. Vásáhus galgá buori lági mielde váikkuhit ja geasuhit olbmuid boahtit vásihit Norgga. Dan jagi bálkkašupmái ledje evttohuvvon:
 

• Høyt og lavt aktivitetspark AS gos gávdnojit apparáhtat muorain ja lahtut main leat iešguđetlágan váttisvuođa dásit. Buot diet doaimmat leat huksejuvvon nana vuogi mielde, dan láhkái ahte eai billis dahje vuorjja birrasa.
   
• XXLofoten AS mii lágida smávit ja stuorát doaluid, kongreassaid ja konferánssaid, vásáhusaid ja dadjat juo juohkelágan olgodoaimmaid Lofuohtas.
   
• Skistar Norge AS mii čuoiganvásáhusaiguin lea ožžon Trysila ja Hemsedála šaddat nanu internašunála alpinčierastallanbáikin.

Go buot golbma fitnodaga ledje video bokte presenterejuvvon, de almmuhii Innovasjon Norge vuoiti, ja Dronnet Sonja beasai sávvat XXLofotenii lihku Dán jagi mátkeealáhusfitnodahkan.