Deaivvadii Fovse-akšuvnna ovddasteddjiiguin
Odne válddii Majestehta Gonagas Harald vuostá Fovse-akšuvnna ovddasteddjiid audiensii Gonagaslaš Šloahtas. Gonagaslaš Allavuohta Ruvdnaprinsa maiddái searvvai.
Skábmamánu 2021 celkkii Alimusriekti ahte bieggamillorusttegat mat leat huksejuvvon Fovseguovllus Trøndelágas, rihkkot sámi vuoigatvuođaid ja leat áittan boazodollui.
Sápmelaččat Fovse-akšuvnnas čálle reivve Šlohttii gos bivde beassat ovddidit sin oainnu áššiš bearjadaga. Gonagas Harald vástádus lei ahte bovde sin audiensii.
Odne besse buktit sin oainnu Gonagassii ja Ruvdnaprinsii.
Elle Márgget Nystad, Elle Rávdná Näkkäläjärvi, Mihkkal Hætta, Petra Laiti, Ella Marie Hætta Isaksen, Ingrid Maria Jåma ja Nella-Stina Wilks Fjällgren deaivvadedje Gonagasain ja Ruvdnaprinsain audienssas. Govven: Simen Løvberg Sund, Gonagaslaš hoavva.
Maiddái jagis 1981 ožžo sámi miellačájeheaddjit audienssa – dalle Gonagas Olav luhtte. Mikkel Eira ja Nils Gaup ovdanbuvttiiga dalle akšuvnnajoavkku oaiviliid Álttá-Guovdageainnu čázádaga dulvadeami birra Gonagasii.
Mii lea audiensa?
Sátni "audiens" vuolgá latiinnalaš sánis “gullat”, ja mearkkaša “vejolašvuohta gullot”. Gonagaslaččat váldet jahkásaččat vuostá olu olbmuid audienssas. Sii bohtet dávjá čilget muhtun ášši dahje organisašuvnna birra, dahje giitit jus leat ožžon medállja dahje eará gudnejahttima.
-
Audiens: Samer Fosen
Gonagas Harald ja Ruvdnaprinsa Haakon váldiiba vuostá Fovse-akšuvnna ovddasteaddjiid audiensii. Govven: Simen Løvberg Sund, Gonagaslaš hoavva.Govva 1 / 3 -
Audiens: Samer Fosen
Gonagas Harald ja Ruvdnaprinsa Haakon váldiiba vuostá Fovse-akšuvnna ovddasteaddjiid audiensii. Govven: Simen Løvberg Sund, Gonagaslaš hoavva.Govva 2 / 3 -
Audiens: Samer Fosen
Elle Márgget Nystad, Elle Rávdná Näkkäläjärvi, Mihkkal Hætta, Petra Laiti, Ella Marie Hætta Isaksen, Ingrid Maria Jåma ja Nella-Stina Wilks Fjällgren deaivvadedje Gonagasain ja Ruvdnaprinsain audienssas. Govven: Simen Løvberg Sund, Gonagaslaš hoavva.Govva 3 / 3
Stuorát govva
Stuorát govva
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Logát Sámedikki rahpan
-Mun cealkkán Sámediggái buresboahtima ovddasvástideaddji doibmii. Ja mun sávan ahte dat boahtá ávkin sámi álbmogii ja min šaddaneatnamii, celkkii Majestehta Gonagas rahpansártnistis gaskavahku.
- Stuora illun beassat leat dáppe davvin
Návvuotna lei maŋemus bisánanbáiki Romssas dán jagáš fylkkamátkkis, man oktavuođas maiddái čađahuvvo guossástallan Svalbárddas. Dat lea Gonagasbára vuosttaš virggálaš galledeapmi suohkanis gos kveana, sámi ja norgga kultuvrrat ellet bálddalga.