Šloahttapárkka láddot
Párkka golbma láddo ledje dehálaš oasit romantihkalaš luonddupárkkas dalle go dat ráhkaduvvui, ja dál leat láddot čábbát geahččat olbmuide geat váccašit párkkas.
Muora oavssit heaŋgálit čáhcegierragii, čáhcelottiid čivggat vuojadit, golgi čáhci šávvá ja gáidada biilajura ja gáhttarieja... Láddot leat hui dehálaččat párkka ollislaš leahkimis.
Lossa bargu
Ládduid ráhkadeapmi lei lossa bargu dalle dan áiggi, dasa manne ollu jagit. Dat roggojuvvo giehtafámuin ja dalle devde ja ordnejedje sihke ravddaid ja botni láirečoalttuiguin. Bargguin álge birrasii 1840, muhto eai lohkan barggu ollásit gárvvis ovdal 1857-60, go ledje vuos máŋgga geardde divodallan ládduid.
Párkka guokte suorámus láddo leat oktiičadnojuvvon jogažiin – ja dat lea juste nugo dalle dolin lei. Dat leat dan oasis párkkas mii gohčoduvvo Dronnetpárkan ja ládduid namat leat Dronnetláttu ja Gonagasspeajal.
Jiekŋaláttu
Goalmmát láttu ráhkaduvvui Parkveien ja Wergelandsveien geainnuid čihkii. Dan láddos čulle jieŋa dálvet, sihke Šloahta iežas jiekŋakeallárii ja maiddái Pilestredet bryggeriijaide.
Diet láttu ii dikšojuvvon šat maŋŋá 1800-logu loahpageahčen, muhto 1998: álge fas dasa ásahit láddo. Álggos rievdadedje veaháš láddo hámi, ja seammás huksejedje unna šaldáža dasa. Láddui leat maŋemus jagiid gilvojuvvon čáppa hearvalieđđeráiddut ja smávva čáhcecirggona.
Láttu namma lea diehttelas Jiekŋaláttu, dat galgá muittuhit masa dalle dolin geavahedje dien láddo.
Slottsparken på Facebook og Instagram
Slottsparken i sosiale medier
Slottsparken har sin egen side på Facebook og Instagram. Her finner du bilder av parken gjennom årstidene, innblikk i parkens historie, informasjon om nye planer og pågående arbeider.
Sidene passer for alle som er glad i Slottsparken, har interesse for hvordan en slik stor bypark drives - eller er glad i blomster og trær generelt.