Lágideamit Šloahta luhtte ja Šloahttapárkkas
Buohkat geat hálidit lágidit juogalágan dilálašvuođa Šloahta luhtte dahje Šloahttapárkkas, fertejit sáddet čálalaš ohcamuša Gonagaslaš hovvii dan birra.
Lágideamit maid ferte ohcat leat ovdamearkkadihte:
- Demonstrašuvnnat ja čalmmustahttimat
- Filbmen
- Govven (mearkkaša ámmátgovven mas geavaha statiivva ja diekkáriid)
Čálalaš ohcamuš
Mii bivdit oažžut čálalaš ohcamuša e-poasttas dahje dábálaš reiven. Sáddejuvvo deike: post[at]slottet.no dahje
Det kongelige hoff
Det kongelige slott
0010 Oslo
Ohcamuša sisdoallu
Mii bivdit ohcamuššii deavdit čuovvovaš dieđuid, vai sáhttit johtileappot meannudit dan:
- Makkár lágideamis lea sáhka / markeren / demonstrašuvdna
- Gii lea lágideaddji
- Áigi
- Man guhká bistá
- Man ollu olbmuid vurdet searvat
Vástádus ohcamuššii
Buohkat geat ohcet, ožžon čálalaš vástádusa juogo reiven dahje e-poastan. Vástádus sisttisdoallá ohcamuša momeanttaid čoahkkáigeasu ja vejolaččat eavttuid maid vuođul lohpi addojuvvo.
Čálalaš lobi galgá váldit mielde lágideapmái.
+ 2 bilder