Gonagaslaš čállingotti
Gonagaslaš čállingottis lea ovddasvástádussan bearráigeahččat Gonagasviesu guovddáš bargguid ja virggálaš doaimmaid. Ossodahkii gullá prográmma- ja sáttasáneovttadat, protokolla- ja máhttoovttadat ja dasto gonagaslaš čoakkáldagat.
Čállingoddi lea veahkkin plánet ja čađahit almmolaš galledemiid, mátkkiid ja lágidemiid, sihke gonagaslaš opmodagain, Norggas ja olgoriikkas.
Bargui gullá háhkat duogášdieđuid, leat ráđđeaddin, sártniid čálliid, áššemeannudit ja vástidit ollu dearvvuođaid ja jearaldagaid mat jahkásaččat bohtet Gonagasbearrašii. Dasa lassin hábmejit bovdehusaid, guosselisttuid ja beavdeplánaid.
Čállingoddi áimmahuššá maid Prinseassa Astrid, Ferner roavvá, almmolaš doaimmaid ja suodjalandoaimmaid.
Gry Ulverud jođiha Gonagaslaš čállingotti.
Prográmmabargu
Gonagasbearraša guovddáš bargu lea čađahit viiddis ja buori virggálaš prográmma mii sihkkarastá Norgga ja Norgga beroštumiid riikkaidgaskasaččat. Čállingoddi doaimmaha gonagaslaš prográmmaid miehtá riikka lagaš ovttasbarggus stáhtahálddašeddjiiguin, sátnejođiheddjiiguin, nationála organisašuvnnaiguin ja báikkálaš lágideddjiiguin. Gonagasviesu riikkaidgaskasaš doaimmaid ja mátkkiid lágideamis ovttasbargá čállingoddi Olgoriikadepartemeanttain ja Norgga ambassádaiguin.
Girjerájus ja vuorká
Hoava girjerájus lea oassin čállingottis. Girjerádjosa bargit hálddašit Gonagaslaš hoava girječoakkáldaga, ja sii leat dasa lassin veahkkin čohkkemin dieđuid ja duogášmateriála go Gonagasbearraša prográmmaid galget plánet.
Hoava vuorká lea organisašuvnna dokumentašuvdnaguovddáš. Dát mearkkaša registrerema ja vurkema materiálas mii lea vurkenveara. Arkiiva ovttasbargá Riikkaarkiivvain historjjálaš arkiivamateriála fievrredeamis.
Guovddáš bargun lea váldit vára ovddasteaddji čiŋaheamis maid gávdná gonagaslaš gárdimiin. Čoakkáldagat leat álbmogii oaidninladje čájáhusaid, ofelastimiid konsearttaid, logaldallamiid ja eará fysalaš ja digitála fálaldagaid bokte.
Hoava organiseren: Gonagaslaš čoakkáldagat
Gonagaslaš čoakkáldagat
Gonagaslaš čoakkáldagat hálddašit ja gaskkustit min oktasaš historjjá Gonagasviesu kulturárbbi bokte.
Dávvirat govvidit historjjálaš dáhpáhusaid ja Gonagasbearraša eallima álbmoga bálvalusas min našuvnnas. Gonagaslaš čoakkáldagain lea ovddasvástádus seailluhit, registreret ja divodit daid dávviriid mat leat čoakkáldagain, gos leat 200 000 gova ja 200 000 dávvira.
