Oahpisteapmi Šloahtas
Gávcci vahku juohke geasi lea Gonagaslaš Šloahtta rabas álbmogii. Galledanáigodat bistá dábálaččat geassemánu loahpas gitta borgemánu gaskamuddui.
- Dáhton:
- Giddejuvvon áigodat
- Hattit:
- Rávisolbmot:
- 230,-
- Studeanta:
- 110,-
- Mánát (6 – 17):
- 110,-
- Mánát (0 – 5):
- Nuvttá
- Juvlastuoluin (beroškeahttá agis):
- 110,-
- Mieđušteaddji:
- Nuvttá
- Joavkkut main lea 40 olbmo:
- 6500,-
Juohke beaivve lea vejolaš oastit bileahta uskkádagas, muhto lea dušše unna oasáš bileahtain mat leat vuovdemassii das.Danin ávžžuhuvvojit guossit oastit bileahtaid Ticketmaster bokte ovddalgihtii go bileahtat sisabeassanbáikkis jođánit nohket. Bileahttavuovdin álgá njukčamánu álggus juohke jagi. Šloahta oahpistanbileahtain beassá maiddái Dronnet Sonja DáiddaStáljai seamma beaivvi.
Buohkat geat galledit Šloahta, galget čuovvut lágiduvvon oahpisteami. Áigodagas lágiduvvojit oahpisteamit beaivválaččat juohke 20.minuhta rahpanáiggis.
Praktihkalaš dieđut
Oahpistanbeatnagat sáhttet čuovvut oahpistantuvrraid.
Bileahtat leat fidnemis Ticketmaster bokte sihke neahtas ja appas. Galledanáigodaga bileahttavuovdin álgá njukčamánu álggus. Juohke beaivve lea vejolaš oastit bileahta uskkádagas, muhto lea dušše unna oasáš bileahtain mat leat vuovdemassii das.Danin ávžžuhit gussiid oastit bileahtaid ovddalgihtii go bileahtat sisabeassanbáikkis jođánit nohket.
Guossit fertejit lásset veaskkuid, olgobiktasiid,golgosa, govvenbiergasiid ja paraplyaid bivttasskábiide. Mánávovnnaid ja mánáid guoddinrusttegiid galgá maiddái guođđit bivttasheŋgehatlatnjii.
Ii leat lohpi govvet Gonagaslaš Šloahta siste.
Bivttasheŋgehaga lahkosis leat maid gussiide hivssegat. Šloahtas gávdnojit maid doaimmashehttejuvvon olbmuide hivssegat.
Stallgårdenis Dronning Sonja DáiddaStáljas lea olgokaféa (sisabeassan Parkveien 50:s). Beasat nuvttá sisa DáiddaStáljai jus dus lea bileahtta Šlohttii seamma beaivve.
Ii leat vejolaš váldit mielde biepmu ja juhkamušaid Šlohttii dahje DáiddaStálja čájáhusaide.
Oahpisteapmi lea guovtti gearddis. Jus dus leat lihkadanváttut, de lea vejolaš geavahit heaissa (105 x 105 cm). Mis leat maiddái juvlastuolut ja vázzinjorrit maid sáhttá luoikkahit. Jus dattege háliida ieš vázzit tráhpaid, muhto dárbbaša veahki, de leat min bargit gergosat veahkehit. Mis leat maiddái stuolut maid sáhttá bidjat čoahkkái jus dakkáriidda leš dárbu.
Go visti lea nu mot lea, de ferte stuorát elektrovnnalaš juvlastuoluid fievrridit heaissain (90 x 235 cm) njuolga nuppi geardái, ja de sáhttá čuovvut oahpisteami dušše ovtta gearddis.Juohke oahpisteamis lea ráddjejuvvon juvlastuoluidlohku.
Ii leat vejolaš váldit mánnávovnna mielde oahpistanvázzimii, muhto vovnnaid sáhttá guođđit guosselanjaide gos leat dorvvolaš birrasis.
Mobiltelefuvnnaid galgá jáddadit dahje bidjat jaskadin dan botta go čuovvu oahpisteami.
Šloahta adreassa lea Slottsplassen 1.
Lagamus bisánanbáiki lea Nationaltheatret (sihke T-bána, busse ja trihkka).
Boađáldat álbmoga várás lea Šloahttagárddi olggobealde, Šloahta oarjjabealde. Dat lea «duogábealde» jus boađát Šloahtašilju bokte
Šloahtavistti olggobealde ii leat parkerensadji biillaide dahje bussiide. Sierra spiehkastanmearrádus dahkko biillaide mat leat merkejuvvon lihkádanváttot gilkoriin.
Guosseáigodagas leat Šloahtas oahpisteamit beaivválaččat, golmma geardde diimmus, diibmu10.00 rájes gitta 1700 rádjái.
Maŋŋel oahpisteami, de lea olbmuin vejolašvuohta gávppašit Šloahttagávppis. Dat lea vuostáiváldimis bivttasheŋgehaga bálddas. Dáppe vuvdet souveniraid nugo gohpuid, čuovggaid, searvieahtaid, rišaid, čállingirjjiid, bliánttaid, girjjiid ja boastagoarttaid.
Earret geasseáigodaga, sáhttá souveniraid gávdnat Dronnet Sonja DáiddaStáljas.
Rabas Šloahta telefonnummar lea 482 04 107. Guosseáigodagas leat das olbmot gaskal diibmu 10.00 ja 17.00
