Hopp til hovedinnhold

Dárbbašlaš dieđut: Oscarshall

Dáppe gávnnat vástádusaid dábáleamos gažaldagaide mat gusket dasa movt oahpisteapmi čađahuvvo Oscarshall šloahtas ja makkár lágideamit doppe leat.

Bileahtat Bileahtaid oažžu oastit báikki museagávppis.

Sierra joavkkuide sáhttá diŋgot oahpisteami dáppe:

  • Liv Bog: liv.bog[at]slottet.no dahje tlf. 952 86 155
  • Oscarshall: 917 02 361

Boahtin

Álbmogii lea sisaboahtin opmodaga váldouksa. Adreassa lea Oscarshallveien.

Almmolaš sáhttu Oscarshallii:

  • Busse nr. 30 mielde gitta Bygdø Kongsgård bisánanbáikái dahje Norgga Álbmotmusea lusa
  • Bygdøyfeargga mielde Dronningen kájái

Bisánanbáiki

Ii leat vejolaš bisánit ja guođđit busse dahje biilla Oscarshall olggobeallái. Dušše sii besset dasa guođđit biilla geain lea doaibmahehttejuvvon mearka biillas. Almmolaš biilaguođđinbáikkit leat Oscarshallveien luoddaearus ja Norgga Álbmotmusea luhtte.

Bivttaslatnja

Vuolitetášas Boradansála vuolde lea álbmogii bivttaslatnja. Doppe ii leat bargi.

Hivssegat

Hivssegat álbmoga várás leat bivttaslanja lahka, doppe leat maiddái handicaphivssegat.

Movt vuorasolbmot ja olbmot geain leat doaibmanváttut besset šlohttii

Čájeheapmi čađahuvvo golmma etásaš. Antikváralaš beroštumiid dihte ii leat biddjojuvvon heisa váldovistái. Danin lea doaibmahehttejuvvon olbmuide váttis beassat 2. ja 3. etášii. Jus sáhttá tráhpaid vázzit go oažžu doarjaga, de sáhttet min bargit leat veahkkin. Mis leat maid stuolut maid sáhttit buktit sidjiide geat fertejit čohkkát.

Govven

Ii leat lohpi govvet Oscarshall siskkobealde maidege.

Mobiltelefuvnnat

Mobiltelefuvnnaid galgá jáddadit, vai ii muosehuhte oahpisteaddji ja eará gussiid.

Museagávpi

Maŋŋel go leat beassan geahčadit šloahta, de besset olbmot gávppašit museagávppis. Das vuvdet mátkemuittuid, girjjiid ja boastagoarttaid.

18.09.2018

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas