Hopp til hovedinnhold

Gonagaslaš čállingotti

Gonagaslaš čállingotti váldobargu lea plánet ja koordineret Gonagasbára ja Ruvdnaprinsabára doaimmaid ja prográmma, Gonagasviesu váldodoaimmaid mielde.

Čállingoddi áimmahuššá maid Prinseassa Märtha Louise ja Prinseassa Astrid, Ferner roavvá almmolaš prográmma ja reivesáddemiid.

Gonagasbáras ja Ruvdnaprinsabáras lea viiddis almmolaš doaibma ja sidjiide bohtet ollu bovdehusat searvat doaluide ja lágidemiide sihke Norggas ja olgoriikkain. Lea čállingotti ovddasvástádus áššemeannudit daid – ja láhčit dili almmolaš prográmma čađaheapmái. Čállingoddi veahkeha maid sártniiguin ja čállosiiguin. Dasa lassin lea čállingotti ovddasvástádus áššemeannudit ja vástidit ollu dearvuođaid ja jearaldagaid mat Gonagasbearrašii bohtet juohke jagi – nugo ovdamearkkadihte suodjalanohcamušat.

Gonagaslaš čoakkáldagat lea ođđajagimánu 1.beaivvi rájes 2019 biddjon oassin Gonagaslaš čállingoddái.

Gonagaslaš čoakkáldagat registrerejit, áimmahuššet ja gaskkustit daid ollu diŋggaid ja biergasiid mat dáin čoakkáldagain leat. Govva: Kjartan Hauglid, Gonagaslaš čoakkáldagat

Gonagaslaš čoakkáldagaid váldobargu lea hálddašit ja gaskkustit min našuvnnalaš kulturárbbi. Čoakkáldagain leat  200 000 gova ja 200 000 diŋgga mat beaivválaččat geavahuvvojit gonagaslaš opmodagain, leat vuorkkáin dahje čájehuvvojit álbmogii čájáhusain.

Protokolla

Gonagaslaš čállingotti ovddasvástádus lea meannudit bovdehusaid, guosselisttuid, beavdeplánaid ja eará protokollabargguid lágidemiid mat leat Šloahtas. Čállingoddi háhká maid almmolaš skeaŋkkaid, kránssaid ja lieđđedearvuođaid maid Gonagasviessu sádde.

Girjerájus

Hoava girjerájus lea oassi čállingottis. Girjerádjosa bargit hálddašit Gonagaslaš hoava girječoakkáldaga, ja sii leat maid veahkkin čohkkemin dieđuid ja duogášmateriála go Gonagasbearrašii guoskevaččaid prográmmaid galget plánet.

Gonagaslaš čoakkáldagat

Dán ovttadaga bargu lea čájáhusaid bokte gaskkustit kultuvrra, ja maiddái Šloahta ja Oscarhálla čájeheami bokte álbmogii geasi áigge. Nu maiddái Dronnet Sonja DáiddaStálja ja Šloahttakapealla čájáhusaid ja kulturlágidemiid bokte , gos fitnet birrasii 70.000 olbmo juohke jagi. Gonagaslaš čoakkáldagaid ovddasvástádus lea konserveret, registreret ja ovddeštit čoakkáldaga diŋggaid ja biergasiid.

Organiseren

Gonagaslaš čállingotti jođiha čállingoddejođiheaddji Olav Heian-Engdal.

 

19.02.2019

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas