Hopp til hovedinnhold

Galleriija Dronnet Joséphine

Dronnet Sonja rabai Galleri Dronning Joséphine  geassemánu 13. beaivvi 2013, ja dat lea oassi dain fálaldagain mat Oscarshallas leat olbmuide.

Galleriija Dronnet Joséphine čájáhusat leat oassin dain fálaldagain mat Oscarshallas leat olbmuide. Buohkat geat dien hervvoštallanšloahta fitnet geahččamin, sáhttet maid fitnat galleriijas. Bileahtaid oažžu doppe oastit.

Manne Dronnet Joséphine?

Oscarshall lei gárvvisin huksejuvvon 1852:s, ja lei Gonagas Oscar I gii dan lei gohččon hukset, ja danin das lea ge su namma. Muhto ii lean dušše gonagas ieš gii beroštii huksemis – maiddái Dronnet Joséphine lei viššalit fárus dan prošeavttas. Son lei nu ollu mielde bargguin ahte muhtumat leat lohkan ahte šloahtta livččii baicca galgan su nama oažžut.

Máŋga dáiddára ja giehtaduodječeahpi Norggas ožžo bargun čiŋahit Oscarshall ja dan viessodávviriid – dáiddárat nugo Joachim Frich, Adolph Tidemand ja Hans Gude ledje mielde dain bargguin. Gonagas Oscar ja Dronnet Joséphine leigga oppalohkái hui dáiddaberošteaddjit, ja soai leigga ge geat álggos čohkkegođiiga daid čáppa boares dáidagiid Norggas mat dál lea gávdnamis Gonagaslaš šloahtas.

Dát ođđa galleriija šaddá ge dasto lunddolaš joatkan guhkes árbevirrui Oscarshallas.

 



04.02.2015

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas