Njuike váldosisdollui
Ruvdnaprinseassa Mette-Marit. Govva: Lise Åserud, NTB scanpix
Ruvdnaprinseassa Mette-Marit. Govva: Lise Åserud, NTB scanpix

Ruvdnaprinseassa fokussuorggit

Gonagaslaš Allavuohta Ruvdnaprinseassa Mette-Marit lea máŋggaid jagiid juo áŋgirit bargan  surggiin mat gusket dearvvašvuhtii, searvidahttimii ja nuoraid vejolašvuođaide, sihke našuvnnalaččat ja internašuvnnalaččat. Son lea earenoamážit deattuhan psykalaš dearvvašvuođa, nissonolbmuid dearvvašvuođa ja hiv/aids eastadanbargguid, ja lea 2006 rájes leamaš ON  aidsprográmma UNAIDS earenoamáš sáttatolmmoš. Barggustis eastadit hiv/aids leavvama, lea son earenoamážit áŋggirdan čuovvut nuoraid dili ja nuorra jođiheddjiid.


Ruvdnaprinseassa lea seammaládje nuoraidberošteaddji go Ruvdnaprinsa ge lea, ja ovttas soai bargaba ásahit čoaggananbáikkiid gos olbmot sáhttet deaivvadit ja ovddidit iežaset buoremus beliid.


Dálkkádagat ja biras boktet Ruvdnaprinseassa beroštumi, guhte jođiha Gonagaslaš hoava birasbarggu. Son gidde fuomášumi dasa ahte dat maid mii beaivválaččat válljet dahkat, váikkuha dasa ahte juohkehaš mis sáhttá veahkehit birrasa suodjalit boahtteáigái.


Ruvdnaprinseassa Mette-Marit lea viššalis girjelohkki ja sus lea ge stuora beroštupmi girjjiide. Son hálida juogadit iežas lohkanilu ja viidát gilvit buori girjjálašvuođa – dainna persovnnalaš jáhkuin ahte juohkehažžii gávdno girji masa liiko.