Gonagaslaš šloahtta

Gonagaslaš šloahtta lea Bellevue-alážis, Karl Johana Oslo váldogáhtá geažis. Šloahtta lea okta dán riikka deháleamos visttiin ja lea okta deháleamos norgga historjjá symbola maŋŋel 1814. Huksenbarggut álggahuvvojedje 1824:s, ja lei Gonagas Carl Johan mii bijai vuođđogeađggi eatnamii golggotmánu 1. beaivvi 1825. Gonagas Oscar I vihahii Šloahta suoidnemánu 26. beaivvi 1849.

Gonagaslaš šloahtta lea Gonagasbearraša orrunviessu ja bargobáiki. Dáppe lágida Majestehta Gonagas stáhtaráđi, vuostáiváldá audiensaohcciid ja lágida almmolaš mállásiid. Olgorit stáhtaoaivámuččat geat bohtet stáhtaguossástallamii Osloi, orrot Šloahtas. Eanas oasis Gonagaslaš hoava bargoveagas lea sin beaivválaš bargosadji dáppe. Šloahtta lea rabas čájehemiide geasset.

Lea stáhta mii oamasta Gonagaslaš šloahta ja dat galgá leat riikka stáhtaoaivámučča hálddus.

Šloahta oahpisteapmi

Álbmotáigodagas leat juohke beaivvi oahpisteamit Šloahtas – máŋgga geardde diimmus. Buohkat galget čuovvut oahpisteaddji, ja sii fitnet Šloahta deháleamos ja čábbámus lanjain.

Šloahta historjá

Gonagaslaš šloahtta Oslos huksejuvvui gonagasorrunbáikin Gonagas Carl Johanii ja lei gárvvis 1849 giđa.

Šloahta arkitektuvra

Gonagaslaš šloahtta lea ráhkadus mas leat váldooassi ja guokte gilgaoasi. Dat lea golmmaetášat ja lea huksejuvvon ođđaklassihkalaš málle mielde.

Šloahta sálat ja lanjat

Gonagaslaš šloahta ovddastanlanjain oaidná iešguđetlágan stiilasurggiid mat ledje iešguđet áiggi mállet dat 25 jagis mii manai šloahta ceggemii.

Šloahta leavggat

Eanas beivviid libarda Majestehta Gonagasa iežas leavga Šloahta dáhki alde. Muhto Gonagasleavga ii leat áidna leavga mii geavahuvvo.