Njuike váldosisdollui

Golleheajat Duopmogirkus

Odne lea vihttalogijagi dan rájes Majestehtaguovttos Gonagas ja Dronnet náitaleigga. Golleheajat ávvuduvvo ipmilbálvalusain Oslo Duopmogirkus gos soai náitaleigga borgemánu 29.beaivvi 1968.

29.08.2018

Lei vássán ovcci jagi dan rájes soai vuosttaš geardde deaivvadeigga. Dat ahte Ruvdnaprinsa hálidii náitalit dábálaš nieiddain álbmogis – guhte ii gullan Eurohpá gonagasviesuide dahje ádelii, lei hui garra sága vuolde dien áiggi. Muhto 19. beaivvi njukčamánus 1968 sáhtiiga soai viimmat almmuhit ahte leigga lohpádaddan, ja borgemánus soai náitaleigga. Odne ávvudit golleheajaid Oslo Duopmogirkus.

50 náitosis odne. Govva: Heiko Junge, NTB Scanpix

Rabas biillain

Muhtun minuhta ovdal go ipmilbálvalus álggii, vulggiiga Gonagas Harald ja Dronnet Sonja rabas biillain Šloahtas - dat lei A5, seamma biila mii fievrredii sudno Duopmogirkus Šlohttii dalle 1968:s aitto náitalan bárran. Dáinna biillain vudje maid dalle go Ruvdnaprinsabárra báitalii 2001:s.

Seamma A5, klassihkalaš Lincoln Continental, sáhtostii Gonagasbára seamma geainnu maid dalle vujiiga 50 jagi dás ovdal Duopmogirkus Šlohttii. Govva: Gorm Kallestad / NTB Scanpix

Oslo Duopmogirku

Duopmogirkus ledje dievva olbmot vuordimin Gonagas Haralda ja Dronnet Sonja. Bearaš ja lagas ustibat ledje diehttelas doppe. Ja maiddái stáhtaministtar lei doppe, nu maid ráđđehusa áirasat ja earát geat ovddastedje almmolaš Norgga. Gonagasbárra lei bovden 200 olbmo, ja dasa lassin vel Gonagaslaš šloahta hoava bargiid.

Ruvdnaprinsabárra dearvvaha Gonagasbára. Govva: Lise Åserud / NTB Scanpix

Giitevašvuođain

Gonagasbára iežas sávaldaga mielde lei Giitevašvuohta čađat fáddan ipmilbálvalusas, mas 1968 vihaheamis vižže inspirašuvnna. Giitevašvuohta lei fáddán teavsttain ja musihkas maid Gonagasbárra lea oahppan liikot ovttaseallimis. Odne lávlo sálmmaid Til kjærleik Gud oss skapte ja Herre Gud ditt dyre navn og ære (Hearrá lehkos gudnijahttojuvvon), nu go lávlo headjabeaivvi 50 jahi dás ovdal.

Oslo bisma Kari Veiteberg jođihii ipmilbálvalusa mii leiGonagasbára golleheajaid ávvuipmilbálvalus. Govva: Vidar Ruud / NTB Scanpix

Sihke Gonagaslaš Allavuohta Prinseassa Ingrid Alexandra, Prinseassa Märtha Louise ja Maud Angelica Behn lohke čálabáikkiid. Oslo Duopmokoara ja Oslo Duopmogirku Bárdnekoara sopránat lávlo čábbát ja loktejedje sálbmalávluma duopmogirkus gos ledje dievva olbmot.

Prinseassa Ingrid Alexandra logai čálabáikki ipmilbálvalusas. Govva: Lise Åserud / NTB Scanpix


Maŋŋil ipmilbálvalusa máhcaiga Gonagas Harald ja Dronnet Sonja fas Šlohttii, maiddái dál dainna klassihkalaš A5 biillain. 

Ávvudeaba bearrašiin

Odne eahkes ávvudeaba Gonagas ja Dronnet golleheajaid bearrašiin ja ustibiiguin.

 

Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas