Ruvdnaprinsabára Humaniteare Foanda

Norggas geavahuvvojit ruhtadoarjagat prošeavttaide mat galget nannet mánáid ja nuoraid bajásšaddandili ja ovddidit searvaidahttima. Olgoriikkain dorjot bargguid mat gusket dearvvašvuhtii ja oahpahussii. Doarjagat juogaduvvojit Ruvdnaprinsabára náittusbeaivvi, borgemánu 25. beaivvi.

Ruvdnaprinsabárra lei ieš mielde foandda ásaheamis ja soai čuovvuba mielde maid stivra ain mearrida áiggis áigái.

2006 giđa bovdii Ruvdnaprinsabárra buot nuoraidskuvlaohppiid olles riikkas čállingilvui man fáddán galge leat áššit mat gusket ovdáneapmái. Dát bovdehus lei oassin sudno foandabarggus. Ruvdnaprinseassa lei juryjođiheaddji. Dat guokte nieidda Tønsbearggas geat vuittiiga, oaččuiga vuoitun mátki Zambiai. Čállinbargguid bokte hástaluvvo nuorat smiehttagoahtit dan maid juohke eaŋkil olmmoš sáhttá bargat dan badjelii ahte oažžut juogalágan buori váikkuhusa máilbmái.

2009 giđa bovdii Ruvdnaprinsabárra humaniteara foanddaid gilvui mii galggai movttiidahttit buolvvaidgaskka ovttasbargui – dáiddalaš ovdanbuktimiin nugo govain, oanehisfilmmain, videojearahallamiin dahje čállimiin.

Prošeavttat mat leat ožžon doarjaga

2009:

• "Vær Stolt"
• "Ungdomsprosjektet HYWA"

2008:

• Fundación Xochiquetzal (Nicaragua)

2007:

• "Buorre bajásšaddan": Ovttasbargoprošeakta gaskal Kárášjoga ja Lujávrri suohkana Ruoššas

2006:

• Kirkens Bymisjon: Primærmedisinsk Verksteds ungdomsprosjekt
• Republihkalaš AIDS-guovddáš Petrozavodskas, Karelias (prošeakta "Buss")

2005:

• Right to play – Falástallan – ja dearvvašvuohtaprošeakta Ugándas

2004:

• Yirga Alem Hospital Fistula Unit (Etiopia)
• Mánnásoalddáhiid veajuidahttinbargu (Dr-Kongo)

2003:

• Norsk folkehjelp prošeakta Følgesvennen (Asker)
• Røde kors prošeakta Leksehjelpen (Oslo)

2002:

• National Community of Women Living with Aids (Uganda)
• Education through Sport (Zambia)

2001

• Vardmodellen (Haugesund)
• Vuođđooahpahus Alefa Takusa (Etiopia)
• HIV/AIDS eastadanbarggut (Mosambik)