Almmolaš doaimmat

Ovtta jagis oažžu Ruvdnaprinsabárra máŋga čuođi bovdejumi boahtit fitnat institušuvnnain nugo mánáidgárddiin, skuvllain ja buohcciviesuin, rahpat čájáhusaid ja ođđa visttiid, ja oassálastet konferánssaide ja semináraide main lea sihke našuvnnalaš ja regionála mearkkašupmi. Ruvdnaprinsabára almmolaš doaimmaid lágideamis lea hui dehálaš bearráigeahččat dan ahte guossástallamat lágiduvvojit viidát geográfalaččat miehtá riikka.

Juohke jagi lágideaba Gonagaslaš Allavuođat maiddái ovtta fylkamátki, ja de soai finadeaba ollu suohkaniin dan fylkkas gos guossástallaba. Dán rádjái soai leaba fitnan Østfold, Hordaland, Finnmárkku, Opplándda, Lulli-Trøndelága, Buskerud ja Sogn ja Fjordane fylkkain.

Ruvdnaprinsabára Humaniteara Foanda

Ruvdnaprinsabára Humaniteare Foandda bokte bargaba Ruvdnaprinsa ja Ruvdnaprinseassa áššiiguin maidda goappešagain lea hui stuora beroštupmi. Foanda ásahuvvui sudno heajaid oktavuođas 2001:s ja lea dan rájes juolludan doarjagiid prošeavttaide sihke riikka siste ja olgoriikkain. Norggas geavahuvvojit ruđat prošeavttaide mat galget nannet mánáid ja nuoraid bajásšaddaneavttuid ja searvama. Olgoriikkain addojuvvo doarjja dearvvašvuođa-ja oahpposuorggi bargguide.