Njuike váldosisdollui

Majestehta Dronnet Sonja dáiddárstipeanda

Majestehta Dronnet Sonja dáiddárstipeanda vuođđudusa ulbmil lea hukset beroštumi - ja movttiidahttit ovddidit gráfalaš dáidaga. Juohke nuppi jagi juohká vuođđudus Queen Sonja Print Award.

Vuođđudus ásahuvvui 2011:s, ja geassemánu 14. beaivvi 2012 addojuvvui Queen Sonja Nordic Art Award vuosttaš geardde. Bálkkašupmi lei davviriikkalaš bálkkašupmi ja kandidáhtat ledje árvaluvvon buot viđa davviriikkain.

2014 bálkkašumi juohkima oktavuođas almmuhuvvui stuorát rievdadeapmi: Bálkkašupmi viidduduvvo internašuvnnalaš bálkkašupmin, ja namma rievdaduvvo ja šaddá The Queen Sonja Print Award. Min dieđuid mielde lea dá dat stuorámus bálkkašupmi mii gávdno gráfalaš dáidasuorggis. 

In English: Queen Sonja on art, print making and the Queen Sonja Print Award. Photo: Proudfoot / QSPA

Bálkkašupmi lea 400 000 ruvdnosaš stipeanda. Dasa lassin beassá vuoiti bargat ja oahppat Ole Larsens dáiddalaš bargosajis Helsingborggas. 

QSPA Inspirational Award

Dát stipeanda ásahuvvui 2014 čavčča, dáiddár Kjell Nupenii muitun (QSPA Inspirational Award), gii jámii njukčamánu 12. beaivvi 2014. Dat galgá juogaduvvo juohke nuppi jagi muhtun davviriikkalaš dáiddárii gii lea gráfalaš dáiddasuorggis dahkan mearkkašahtti barggu, ja dat juogaduvvui vuosttaš gearddi dán jagi.

Stipeanda lea ovttasbargu mas leat fárus Queen Sonja Art Foundation ja measttirdeaddeleaddji Bill Goldston, Universal Limited Art Editions New York. 

Organiseren

Vuođđudus H.M. Dronning Sonjas kunstnerstipend ásahuvvui ođđajagimánu 14. beaivvi 2011. Vuođđudeaddjin lei Majestehta Dronnet ovttas govvadáiddariiguin Kjell Nupen, Ørnulf Opdahl ja Ole Larsen.

Stivrras leat Dronnet Sonja, Magne Furuholmen, Harriet Cecilie Malm Brundtland, Håvard Homstvedt ja Gry Mølleskog. Karianne Ryen Eriksen lea prošeaktajođiheaddji ja beaivválaš jođiheaddji lea Aurora Aspen.

Vuođđudusa kapitála

2010:s álggahedje Dronnet Sonja, Kjell Nupen, Ørnulf Opdahl ja Ateljé Ole Larsen ovttasbarggu, dáiddaprošeavtta "Tre reiser – tre landskap", Golbma mátkki - golbma eanadaga. Dronnet, Kjell Nupen ja Ørnulf Opdahl ráhkadedje gráfalaš máhpaid vuovdima várás. Dáiddamáhpaid vuovdima dienas manai ollislaččat Majestehta Dronnet Sonja dáiddarstipeandda vuođđudussii, ja dat dienas lea vuođđudusa kapitála, oktan eará skeaŋkkaiguin ja attáldagaiguin.

 

16.06.2022

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas
Dronnet Sonja muitala iežas dáiddalaš beroštumi, mielbargiid ja Dronnega dáiddarstipeandda birra. Video: Finland MTV3 ja Christian Lagaard, Gonagaslaš hoavva, Stills: Rolf M. Aagaard.
Fáktadieđut

Vuostáiváldit

 

Queen Sonja Print Award:

  • 2022: Yto Barrada
  • 2020: Ciara Phillips, Canada/UK
  • 2018: Emma Nishimura, Canada
  • 2016: Tauba Auerbach, USA
  • 2014: Svend-Allan Sørensen, Danmark
  • 2012: Tiina Kivinen, Finland

QSPA Inspirational Award 

  • 2022: Meerke Vekterli
  • 2020: Anna Pajak, Sverige
  • 2017: Julie Ebbing, Norge
  • 2015: Adam Saks, Danmark

QSPA Lifetime Achievement Award

  • 2022: William Kentridge 
  • 2020: Paula Rego, Portugal
  • 2018: David Hockney, Storbritannia

 

 

Govva: Nina Rangøy / NTB scanpix
Guoskevaš leaŋkkat