Suodjalandoaimmat ja foanddat

Otná dilis gal lea suodjalandoaibma dohkkehanortnet, ahte dohkkeha organisašuvnnaid dahje doaluid vissis dehálaš surggiin servodateallimis.

Ohcamuš oažžut suodjaleami

Suodjalanohcamušat árvvoštallojuvvojit dađistaga, ja gieđahallojuvvojit Gonagasbearraša prográmma ja nannensurggiid ektui.

Jus suodjaleapmi galgá mieđihuvvot, berre organisašuvdna leat bures sajáiduvvan, das berre leat čorges ruhtadilli ja ii galgga leat nággobohciideaddji. Jus váldoorganisašuvnnas lea suodjaleapmi, de dábálaččat ii mieđihuvvo suodjaleapmi dan vuolitorganisašuvnnaide.

Dábálaččat mieđihuvvo suodjaleapmi viđa jagi áigodahkii. Dan maŋŋá ferte organisašuvdna fas ođđasis ohcat jus hálida ahte suodjalandoaibma galgá jotkkojuvvot.

Sáhttá maid mieđihuvvot suodjaleapmi sierranas lágideapmái nugo ovdamearkkadihte čájáhusaide, turneaide ja konferánssaide.

Go deaddelat čujuheddjiid dás olgešbealde, de oainnát makkár suodjalandoaibma guđesge Gonagaslaš bearrašis lea.

Gonagaslaš foanddat

Buriid ulbmiliidda sáhttá maid addit doarjaga njuolga sierra foanddain. Gávdnojit golbma Gonagaslaš foandda main guđesge lea sierra stivra mii daid hálddaša mearriduvvon njuolggadusaid mielde. Dat leat:

• Ruvdnaprinseassa Märtha muitofoanda
  Foandda ulbmil lea addit ekonomalaš doarjaga organisašuvnnaid ja servviid sosiála ja humaniteara doaimmaide.
  
  
• Prinseassa Märtha Louise Foanda
  Prinseassa foanddas addet doarjagiid prošeavttaide mat leat doaimmashehttejuvvon mánáid várás.
  
  
• Ruvdnaprinsabára foanda
  Ruvdnaprinsabára foanda dáhttu fátmmastit nuoraid mat iešguđetlágan, ja dávjá ovttastuvvon sivaid geažil leat šaddan olggobeallái.