Hopp til hovedinnhold

Dronnet Sonja DáiddaStállja

Dronnet Sonja DáiddaStállja lea Šloahta boares stálljavisttiin – dat lea oassi Šloahtas mii ovdal ii lean álbmogii rabas.

Iešalddis lanjat lea Majestehta Gonagasa skeaŋka Majestehta Dronnegii. Diet boares stállja lea geavahuvvon vurkkodanrádjun 2.máilmmisoađi rájes. Dál lea dat ráhkaduvvon báikin gos sáhttet oaidnit dáidaga ja kultuvrra, ja dan almmolaš rahpan lei Dronnega 80-jagi beaivvi, suoidnemánu 4. beaivvi 2017. Suoidnemánu 5. beaivvi rájes lea Dronnet Sonja DáiddaStállja rabas gehččiide.

Vuosttaš čájáhus

Vuosttaš dáiddačájáhusas DáiddaStáljas leat guokte váldoelemeantta: norgga grafihkka ja Dronnet Mauda govat.

Majestehta Dronnet Sonja ávvučoakkáldat

Dronnet Sonja 80-jagi oktavuođas adde muhtun norgga dáiddárat ovtta gráfalaš barggu guhtege skeaŋkan. Das lea šaddan viiddis ja máŋggabealat čoakkáldat, mas eanas gráfalaš teknihkat ja ovdanbuktimat leat mielde. Dat 164 dáiddalaš barggu leat ge Dronnet Sonja DáiddaStálja rahpančájáhus.


Vuosttaš čájáhusas leat 164 gráfalaš barggu maid norgga dáiddárat leat ráhkadan. Govva: Liv Osmundsen, Gonagaslaš hoavva.Vuosttaš čájáhusas leat 164 gráfalaš barggu maid norgga dáiddárat leat ráhkadan. Govva: Liv Osmundsen, Gonagaslaš hoavva.

 
Listu mas oaidná dáiddáriid namaid, gávdno PDF hámis leaŋkalisttus.

Dronnet Maud Govvaalbum

Dronnet Maud (1869 – 1938) lei viššal govvet, ja sus leat báhcán 20 000 gova ja 44 albuma maidda lea čohkken iežas ja earáid govaid. Čoakkáldat lea earenoamáš dokumentašuvdna mii čájeha gonagaslaš bearašhistorjjá.

DáiddaStáljas gávdno govvainstallašuvdna mas leat Dronnet Maud govat. Dat lea juogaduvvon guđa oassái, fáttaid mielde: ruvdnen, dálveillu, gálla, riiden, ilolaš ovttastallan ja geasseeallin. Juohke fádda álggahuvvo muhtun biktasiin dronnega digitála bivttasskábes.


Oasáš govvainstallašuvnnas "Dronnet Maud Govvaalbum", Našunálamusea mieđáhusain.


Installašuvdna lei skeaŋka ráđđehusas Gonagasbára 80-jagi beivviide, ja dan lea dáidda, arkitektuvra ja designa Našunálamusea ráhkadan, ovttas Tellart ja Gonagaslaš čoakkáldagaiguin.

Gonagaslaš stállja

Stálljavisttit huksejuvvojedje gaskal 1845 ja 1848 , šloahttaarkiteavtta H.D.F. Linstow tennjegiid mielde, ja Gonagas Haakon ja Dronning Maud viiddideigga daid 1911:s. Gonagaslaš heastadoalu árbevieru fievrredii Dronnet Maud Englánddas, ja stálja huksemii geavahuvvui The Royal Mews ovdagovvan, mii lea Buckingham Palace stálljarusttet. Viiddiduvvon stálljavisttiide čáhke ollu ođđa doaimmat, nugo riidenvisti mas lea sierra gehččiidossodat ja musihkka tribune, badji ja buohccistállja.


Ruvdnenvovdna johtimin ruovttoluotta Šlohttii, go lei leamaš Stuoradikkis muhtun ođđajagimánu beaivvi 1932. Šloahta stáljaide čáhke eanemusat 38 heastta. Govvejeaddji: Carsten Sætren, Gonagaslaš čoakkáldagat.Ruvdnenvovdna johtimin ruovttoluotta Šlohttii, go lei leamaš Stuoradikkis muhtun ođđajagimánu beaivvi 1932. Šloahta stáljaide čáhke eanemusat 38 heastta. Govvejeaddji: Carsten Sætren, Gonagaslaš čoakkáldagat.


Dronnet Maud dáhtu mielde virgáibiddjojuvvui brihttalaš stálljahoavda ja áiggi mielde 13 stálljabargi geat ásse gaskastáljaid 2. etášas. Gaskastáljaide sáhtte čáhkat 38 heastta, ja dasa lassin vel vovnnat, heasttaid leaŋgabiergasat ja salat.

Maŋŋil go Dronnet Maud jámii 1938:s, unnui heastadoallu, ja maŋemus heasttat jávke Gonagaslaš stáljain dakka maŋŋá go soahti álggii 1940:s. Go Gonagasbearaš máhcai Šlohttii 1945:s, de lei biilasáhttu. Heasttaid áigi lei vássán.

Heasttaid boares hiŋgalat leat ain oassi vistedávviriin, maiddái maŋŋá go stáljat leat šaddan DáiddaStálljan. Govva: Jan Haug, Gonagaslaš hoavvaHeasttaid boares hiŋgalat leat ain oassi vistedávviriin, maiddái maŋŋá go stáljat leat šaddan DáiddaStálljan. Govva: Jan Haug, Gonagaslaš hoavva


Dronnet Sonja Dáiddastálja rahpan mearkkaša ahte boares stállja šaddá fas ealas. Hiŋgaliin gokko heasttat okte čužžo, dain besset geahččit dál vásihit dáidaga ja historjjá.

 

08.07.2017

Juogat dán artihkkala Twitteris ja Facebookas:

Fáktadieđut

Rahpanáiggit 2017

Dronnet Sonja Dáiddastálja rahpanáiggit:

     
  • 5. 7 - 20. 8: Mánnodagas sotnabeaivái: 11.00 - 17.00
  • 29. 8 - 24. 9: Disdagas sotnabeaivái: 11.00 - 17.00


Golggotmánu rahppojuvvo ođđa čájáhus Dáiddastáljas.

Fáktadieđut

Bileahtat Dronnet Sonja Dáiddastálljii

Bileahtaid oažžu oastit dien báikkis.
Bileahttahattit:

  • Rávisolbmot: 100,-

  • Vuollel 12 jahkásaš mánáide nuvttá

  • Gonagaslaš šloahta geahčadeapmái sáhttá oastit kombinašuvdnabileahta, mainna beassá sihke Šlohttii ja Dáiddastálljii. Kombinašuvdnabileahta oažžu oastit dušše dan áiggis go Šloahtta lea gehččiide rabas, ja dušše ovdagihtii oastimiin Ticketmaster bokte.

    Kombinašuvdnabileahtta máksá 200,-
Fáktadieđut

Arrangementer i KunstStallen 

Dronning Sonja KunstStall har sin egen side på Facebook. Her vil du finne nærmere informasjon om utstillinger og arrangementer i Dronning Sonja KunstStall.