Njuike sisdollui

Gonagas Harald eretvádjoleami geažil gártet dán neahttasiiddus leat soames boasttuvuođat muhtun áigge ovddosguvlui.

Ruvdnaprinseassa Märtha muitofoanda

Foandda ulbmil lea addit ruhtadoarjaga organisašuvnnaid ja servviid sosiála ja humaniteara doaimmaide.

Ruvdnaprinseassa Märtha 1948. Govven: Atelier Jaeger / Gonagaslaš čoakkáldagat

Foanda ásahuvvui cuoŋománu 1. beaivvi 1929 ja foandda namma lei álggos ”Hennes Kongelige Høyhet Kronprinsesse Märthas Fond”.

Maŋŋel go Ruvndaprinseassa Märtha jámii cuoŋománu 5. beaivvi 1954, mearriduvvui ahte foandda bargu galggai joatkit muitun Ruvdnaprinseassa olmmošlaš ovdamorrašii. Prinseassa Astrid Ferner roavvá jođihii foandda stivrra oassin su almmolaš doaimmain.

– Lea munnje illun go beasan juohke jagi iežan eatni, Ruvdnaprinseassa Märtha riegádanbeaivvi, juohkit organisašuvnnaid ja servviid sosiála ja humaniteara doaimmaide miehtá Norgga ruhtadoarjagiid, lohká Prinseassa Astrid, Ferner roavvá.

Prinseassa Astrid, Ferner roavvá, lei foandda stivrajođiheaddji. Govven: Janne Møller-Hansen / VG / NTB

Ruvdnaprinseassa Märtha muitofoanda: Doaibmannjuolggadusat

Doaibmannjuolggadusat

Foandda ulbmil lea addit ruhtadoarjaga organisašuvnnaid ja servviid sosiála ja humaniteara doaimmaide.

Foandda doarjagat galget gokčat dakkár dárbbuid maidda stáhta dahje suohkanat eai juollut doarjagiid

. Eai addojuvvo doarjagat eaŋkilolbmuide ja dábálaččat eai investeremiidda ge. Dušše muhtun hárve háve sáhttá juolluduvvot doarjja seamma ulbmilii eanet go ovtta jagi maŋŋálaga.

Juolludeamit

Doarjagat juhkkojuvvojit Ruvdnaprinseassa Märtha riegádanbeaivvi oktavuođas njukčamánu 28. beaivvi. Ohcanáigemearri lea guovvamánu 15. beaivvi juolludemiide dan ​​seamma jagi. Foanda oažžu dábálaččat gaskal 250 ja 300 ohcamuša jahkásaččat, ja doarjja mieđihuvvo sullii 150-200 ohcamuššii. Dábálaš doarjjasupmi lea 5000 ruvnno,muhto soames háve lea juolluduvvon eanei

Vuostáiváldit lea ovdamearkka dihte sanitehtasearvvit, pensionistasearvvit ja báikkálaš searvvit mat barget buorrin olbmuide geain leat iešguđetlágán sivat ja hástalusat. De sáhttá ovdamearkka dihte oažžut doarjaga mátkkiide, logaldallamiidda ja eará sosiála doaibmabijuide.

Juolludeamit 2026

Jagis 2026 oaččui foanda oktiibuot 268 ohcamuša. 152 ohcci ožžo doarjaga ja juolludeamit dagahedje oktiibuot 865 00 ruvnno. Ođđajagimánu mielde boahttevaš jagi galget vuostáiváldit čilget masa leat golahan ruđa. Rapporta sádde kongeligefond.no neahttasiiddu portálas, gos vállje Mine søknader/sluttrapport.

Ohcan 2027

Ohcanáigemearri boahtte juolludemiide lea guovvamánu 15. beaivi 2027. Ohcamušat gieđahallojuvvojit go ohcanáigemearri lea dievvan. Ohcamušat mat bohtet áigemeari maŋŋel, eai gieđahallojuvo obanassiige. Buot ohccit fertejit BankID bokte logget sisa. Ii leat vejolaš sáddet ohcamuša jus ii geavat dán čovdosa.

Organiseren

Foanda lea organiserejuvvon vuođđudussan. Majestehta Gonagas nammada stivrra. Stivrras lea mielde hoava hoavda, Knut Brakstad, Egil Vindorum ja Ingelin Killengreen. Stivra dii oaččo bálkká, honorára dahje makkárge buhtadusa.

Gonagaslaš hoavva vuostáiváldá ja čohkke ohcamušaid mat dasto sáddejuvvojit stivralahtuide. Gii oažžu doarjaga mearriduvvo stivračoahkkimis.

Hálddahuslaš beali čađaha Ordenkanselliija ja kanselliijahoavda Mette Tverli lea čálli ja foandda beaivválaš jođiheaddji.

Ohcamušat

Gažaldagat mat gusket fondii divvojuvvojit deike:

Kansellihoavda Mette Tverli
Telefuvdna: 22 04 87 00
fond@slottet.no